កីឡា ៖ គ្រូបង្វឹកក្រុម Al Nassr លោក Rudi Garcia បានអះអាងថា ទោះបីជា Cristiano Ronaldo បានធ្វើឱ្យក្រុមមានភាពប្រសើរឡើងក៏ដោយ ក៏មិនធានាការឈ្នះដោយស្វ័យប្រវត្តិនៅក្នុង Saudi Pro League នោះទេ។
លោក Rudi Garcia បានលើកឡើងបែបនេះ ក្រោយ Cristiano Ronaldo បានបង្ហាញខ្លួនលើកដំបូងឲ្យ Al Nassr កាលពីថ្ងៃទី២៣ ខែមករា បន្ទាប់ពីយកឈ្នះលើក្រុម Ettifaq ដោយលទ្ធផល ១-០។
ដោយវិភាគលើការបង្ហាញខ្លួនដំបូងរបស់ Cristiano Ronaldo ក្រោយចប់ការប្រកួត គ្រូបង្វឹកលោក Garcia បានប្រាប់ Reuters ថា៖ “វាជាភាពវិជ្ជមានមួយនៅពេលដែលអ្នកមានកីឡាករដូច Ronaldo ដែលអាចបង្វែរចំណាប់អារម្មណ៍ចំពោះខ្សែការពារ ដែលធ្វើឲ្យឱកាសស៊ុតបញ្ចូលទីកើតឡើង ។ គ្រូបង្វឹកសញ្ជាតិបារាំងរូបនេះបានបន្ថែមទៀតថា៖ «ទោះជាមានវត្តមាន Ronaldo ក៏មិនងាយស្រួលក្នុងការឈ្នះពានលីគអារ៉ាប៊ីសាអូឌីតដែរ ដោយសារតែភាពខ្លាំងរបស់គូប្រជែង»៕
