គៀវ៖ អគ្គលេខាធិការអង្គការណាតូ លោក Jens Stoltenberg បានប្រាប់ សារព័ត៌មានអាល្លឺម៉ង់ Die Welt កាលពីថ្ងៃពុធថា អង្គការដែលដឹកនាំដោយសហរដ្ឋអាមេរិកនេះ មិនមែនជាភាគីនៃជម្លោះក្នុងប្រទេសអ៊ុយក្រែនទេ ដោយទទូចថាមិនមានគម្រោងលូកដៃនោះទេ។
លោក Stoltenberg បានអះអាងថា អង្គការណាតូ មិនបានបញ្ជូនកងទ័ព ឬយន្តហោះចម្បាំងទៅកាន់ទីក្រុងគៀវ ដោយបញ្ជាក់ថាសកម្មភាពកន្លងមក គឺស្ថិតក្នុងសិទ្ធិក្នុងការជួយអ៊ុយក្រែនការពារព្រំដែន ក្រោមធម្មនុញ្ញអង្គការសហប្រជាជាតិប៉ុណ្ណោះ។
លោក បានបន្ថែមថា ការបង្កើនវត្តមានយោធានៅលើផ្នែកខាងកើតរបស់អឺរ៉ុប នឹងធ្វើឱ្យទីក្រុងមូស្គូ យល់ពីការប្តេជ្ញាចិត្តរបស់អង្គការណាតូក្នុងការការពារទឹកដីរបស់ប្លុកនេះ៕