ប៉ារីស៖ ប្រព័ន្ធផ្សព្វផ្សាយបារាំង France Le Figaro បានលើកឡើងថា ការផ្គត់ផ្គង់រថក្រោះធុនធ្ងន់ដល់ក្រុងគៀវ នឹងជួយបង្កើនតុល្យភាព ប៉ុន្តែនឹងមិនផ្លាស់ប្តូរស្ថានភាពសមរភូមិដ៏ក្ដៅគគុកនោះទេ។
របាយការណ៍ដដែល បន្ថែមថា រថក្រោះអាចជួយអ៊ុយក្រែន កាត់បន្ថយសម្ពាធ។ ប៉ុន្តែវានឹងមិនផ្លាស់ប្តូរស្ថានភាពសង្គ្រាមនោះទេ។ ប្រភពដដែល បានឱ្យដឹងថា ឱកាសសម្រាប់កងទ័ពអ៊ុយក្រែន បានជាប់គាំង ចាប់តាំងពីកងទ័ពរុស្ស៊ី ចាប់ផ្តើមពង្រឹងទីតាំងរបស់ខ្លួនមក រួមទាំងនៅក្បែរទីក្រុង Melitopol និង Mariupol ។
យោងតាមឧត្តមសេនីយ៍បារាំង លោក Olivier Kempf អ្នកវិភាគផ្នែកភូមិសាស្ត្រនយោបាយ បានបញ្ជាក់ថា ការបញ្ជូននេះវាជាការស្ដារតុល្យភាពសម្រាប់កងទ័ពអ៊ុយក្រែន ពោលគឺមិនមែនជាយុទ្ធសាស្ត្រយកជ័យជម្នះលើសង្គ្រាមនោះទេ៕