គម្រោងជួសជុលចំនួន២ នៅរមណីយដ្ឋានសំបូរព្រៃគុក ក្រោមជំនួយថវិកាដោយមិត្តជប៉ុន និងឥណ្ឌាគ្រោងនឹងបញ្ចប់នៅដំណាច់ខែមីនា ឆ្នាំ២០២៣នេះ។ គម្រោងជួសជុល និងអភិរក្ស ក្រុមប្រាសាទសំបូរ (N7, N12,N13) ដែលជាកិច្ចសហការជាមួយមិត្តជប៉ុន គ្រោងនឹងបញ្ចប់នៅចុងខែមីនា ឆ្នាំ២០២៣នេះ ដោយធ្វើការជួសជុលដោយផ្នែក ត្រង់ចំនុចដែលមានហានិភ័យខ្លាំង។
ទន្ទឹមនេះ ប្រាសាទគុកឬអាស្រមមហាឫស្សី (N17) ដែលជំនួយថវិកាដោយ មិត្តឥណ្ឌា ក៏គ្រោងនឹងបញ្ចប់នៅដំណាច់ខែមីនា ឬសប្តាហ៍ទី១ ខែមេសានេះ ដែលរហូតពេលនេះ ការជួសជុលសម្រេចបាន៨៥%។ គម្រោងទាំង២នេះ បាននិងកំពុងអនុវត្តដោយអ្នកជំនាញការខ្មែរនៃអាជ្ញាធរជាតិសំបូរព្រៃគុក៕
