កីឡា ៖ Manchester City បានចេញសេចក្តីថ្លែងការណ៍មួយដោយបញ្ជាក់ថា Phil Foden នឹងអវត្តមានពេលប៉ះក្រុមហង្សក្រហម Liverpool នៅចុងសប្តាហ៍ក្រោយ។
ហង្សក្រហមត្រូវប៉ះ Man City ក្នុងការប្រកួត Premier League ជាលើកដំបូងរបស់ពួកគេបន្ទាប់ពីសម្រាកអន្តរជាតិនៅថ្ងៃទី១ ខែមេសា ខណៈក្រុមរបស់លោក Jurgen Klopp ធ្វើដំណើរទៅកាន់កីឡដ្ឋាន Etihad នៅថ្ងៃសៅរ៍សប្តាហ៍ក្រោយ។
Man City បានចេញសេចក្តីថ្លែងការណ៍មួយកាលពីរសៀលថ្ងៃអាទិត្យដោយបញ្ជាក់ថា Phil Foden បានចាកចេញពីក្រុមអង់គ្លេស បន្ទាប់ពីបានទទួលការវះកាត់ពោះវៀនដុះខ្នែង ។ Phil នឹងត្រលប់ទៅ Manchester វិញដើម្បីព្យាបាល៕