កីឡា ៖ ការប្រកួតពានរង្វាន់បាល់ទាត់សម្តេចតេជោ ហ៊ុន សែន (Hun Sen Cup) ថ្នាក់ជាតិ រដូវកាល ឆ្នាំ២០២៣-២៤ បានរកឃើញក្រុមខ្លាំង៣ក្រុមហើយឡើងទៅកាន់វគ្គពាក់កណ្ដាលផ្ដាច់ព្រ័ត្រ គឺរួមមាន៖ ព្រះខ័នរាជស្វាយរៀង វិសាខា និងបឹងកេត ក្រោយយកឈ្នះគូប្រជែងរៀងៗខ្លួនក្នុងវគ្គ ៨ក្រុមចុងក្រោយទាំងជើងកាលពីម្សិលមិញ ខណៈ១ក្រុមទៀតរងចាំការប្រកួតរវាង ភ្នំពេញក្រោន និងគិរីវង់សុខសែនជ័យ។
សម្រាបលទ្ធផលការប្រកួតជើងទី២ រួមមាន៖
-ព្រះខ័នរាជស្វាយរៀង ៦-០ ណាហ្គាវើលដ៍ នៅកីឡដ្ឋាន ស្វាយរៀង(សរុបទាំង២ជើងព្រះខ័នរាជស្វាយរៀង ឈ្នះ១០-១ )។
-វិសាខា ០-០ ខេត្តព្រៃវែង នៅកីឡដ្ឋាន ព្រីនស៍(សរុបទាំង២ជើង វិសាខា ឈ្នះ១-០)។
-អាយ អេស អាយ ដង្កោសែនជ័យ ២-៤ បឹងកេត នៅកីឡដ្ឋាន AIA KMH Park(សរុបទាំង២ជើង បឹងកេត ឈ្នះ ៨-៤)។
ដោយឡែកសម្រាប់ការប្រកួតរវាងក្លិបបាល់ទាត់ភ្នំពេញក្រោន ប្រកួតជាមួយ ក្លិបបាល់ទាត់គិរីវង់សុខសែនជ័យ ត្រូវបានស្នើសុំផ្លាស់ប្ដូរកាលបរិច្ឆេទនៃការប្រកួត នៅថ្ងៃទី២៨ ខែកុម្ភ: ឆ្នាំ២០២៤ វិញ នៅកីឡដ្ឋាន ស្មាតអអេសអិន។ ខណ:ការប្រកួតនៅជើងទី១ កាលពីថ្ងៃទី១៧ ខែកុម្ភ:កន្លងទី ភ្នំពេញក្រោន បានយកឈ្នះ -គិរីវង់សុខសែនជ័យ ក្នុងលទ្ធផល ២ទល់និង០ នៅកីឡដ្ឋាន គិរីវង់៕
