មូស្គូ៖ ក្រសួងការបរទេសរុស្ស៊ី បានប្រកាស កាលពីថ្ងៃអាទិត្យថា ទីក្រុងមូស្គូ បានទាមទារឱ្យអ៊ុយក្រែន ប្រគល់ជនសង្ស័យនៃអំពើភេរវកម្មនៅក្នុងប្រទេស ក៏ដូចជាបញ្ឈប់ជាបន្ទាន់នូវសកម្មភាពដែលពាក់ព័ន្ធណាមួយជាមួយក្រុមនោះ។
ប្រធាន SBU លោក Vasyl Malyuk បានលើកឡើងថា ទីក្រុងមូស្គូ ទាក់ទងក្រុងគៀវ ជាផ្លូវការជាមួយនឹងការទាមទារក្រោមអនុសញ្ញាប្រឆាំងភេរវកម្មអន្តរជាតិ រួមទាំងការចាប់ខ្លួនភ្លាមៗ និងការធ្វើបត្យាប័ននៃជនសង្ស័យទាំងអស់ ដែលទីក្រុងមូស្គូ កំណត់អត្តសញ្ញាណ និងជាប់ពាក់ព័ន្ធទៅនឹងការវាយប្រហារភេរវកម្មនាពេលថ្មីៗនេះនៅទឹកដីរុស្ស៊ី។
សេចក្តីថ្លែងការណ៍នេះ ក៏បានសំដៅទៅលើការបាញ់ប្រហារនៅសាលាក្រុង Crocus ដែលសម្លាប់មនុស្ស ១១៤ នាក់ ឃាតកម្មលើ Daria Dugina និងការវាយប្រហារដោយគ្រាប់បែកនៅហាង St. Petersburg ដែលសម្លាប់អ្នកសរសេរប្លុកយោធា Vladen Tatarsky និង ៤២ នាក់រងរបួស ផងដែរ៕
