ព័ត៌មាន​ថ្មី
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «ភ្នំពេញថ្មី»​

ច្បាស់​ហើយ​៖ អាមេរិក​ត្រូវការ​ទឹកដី​អ៊ុយ​ក្រែ​ន​ដើម្បី​ប្រឆាំង​រុស្ស៊ី

លេខាធិការ​ក្រុមប្រឹក្សាសន្តិសុខ​រុស្ស៊ី លោក Nikolay Patrushev បាន​ថ្លែង​នៅក្នុង​បទសម្ភាសន៍​ជាមួយ​សារព័ត៌មាន aif.ru កាលពី​ថ្ងៃ​អង្គារ​ម្សិលមិញ​ថា គោលដៅ​របស់​រុស្ស៊ី​ក្នុងការ​ធ្វើឱ្យ​អ៊ុយ​ក្រែ​ន​ជា​ទឹកដី​គ្មាន​យោធា គឺ​នៅតែ​ស្ថិតក្នុង​របៀបវារៈ​ជា​ដរាប ខណៈដែល​សហរដ្ឋអាមេរិក និង​អង្គការ​ណា​តូ​ដែល​ជាប់​ពាក់ព័ន្ធ​ក្នុង​ជម្លោះ​នៅតែ​មើលឃើញថា ប្រទេស​នេះ​គឺជា​ទឹកដី​ដ៏​ចាំបាច់ និង​មិនអាច​ខ្វះ​បាន​ដើម្បី​ប្រឆាំង​រុស្ស៊ី​។​

លោក Patrushev បាន​ថ្លែង​យ៉ាង​ដូច្នេះ​ថា សហរដ្ឋអាមេរិក និង​អង្គការ​ណា​តូ នៅតែ​ចិញ្ចឹមចិត្ត​រៀបចំ​ផែនការ​រក្សា និង​គ្រប់គ្រង​អ៊ុយ​ក្រែ​ន ឬ​យ៉ាងហោចណាស់​យក​មួយផ្នែក​នៃ​ទឹកដី​អ៊ុយ​ក្រែ​ន​ធ្វើជា​មូលដ្ឋាន​ប្រឆាំង​រុស្ស៊ី ។ តាម​ផែនការ​ធំ​របស់​ពួកគេ គឺ​ចង់​គ្រប់គ្រង​ទាំងស្រុង​នូវ​ទឹកដី​អ៊ុយ​ក្រែ​ន​តែម្តង​ដើម្បី​បម្រើ​ផលប្រយោជន៍​នៃ​ប្លុក​អា​ត្ល​ង់​ទិ​ក​ខាងជើង​។​

លោក​បានចង្អុលបង្ហាញ​ថា ផែនការ​សម្ងាត់​របស់​អង្គការ​ណា​តូ​ដែល​សម្រេចចិត្ត​រួម​លើ​ការ​ចែកចាយ​អាវុធ​ថ្មី ជាមួយនឹង​សមត្ថភាព​បច្ចេកទេស​ខ្ពស់ និង​រយៈ​ចម្ងាយ​ឆ្ងាយ និង​ការបណ្តុះបណ្តាល​ទាហាន​ស៊ីឈ្នួល រួមទាំង​អ្នកបះបោរ​គឺ​វា​ជា​ផែនការ​យូរ និង​ច្បាស់លាស់​សម្រាប់​ប្រតិបត្តិ​ការប្រឆាំង​រុស្ស៊ី​។​

លោក​បាន​សង្កត់ធ្ងន់ថា​ក្នុងស្ថានភាព​នេះ គោលដៅ​នៃ​ការរំសាយ​កងទ័ព​អ៊ុយ​ក្រែ​ន​គឺមាន​កម្រិត​ខ្ពស់​ក្នុង​របៀបវារៈ សម្រាប់​រុស្ស៊ី ហើយ​ប្រតិបត្តិការ​យោធា​របស់​យើង​នៅ​អ៊ុយ​ក្រែ​ន គឺ​ដើម្បី​សម្រេច​គោលដៅ​របស់​យើង​ផងដែរ​។​

លោ Patrushev បាន​និយាយ​បន្តថា អង្គការ​ណា​តូ​បានធ្វើ​សមយុទ្ធ​នៅលើ​ទឹកដី​អ៊ុយ​ក្រែ​ន​តាំងពី​ឆ្នាំ ១៩៩៥ ហើយ​ក្រុង Kiev បានផ្តល់​សិទ្ធិ​ឱ្យ​សម្ព័ន្ធភាព​យោធា​ណា​តូ ចូលក្នុង​ទឹកដី​របស់ខ្លួន​ដោយ​សេរី​ចាប់តាំងពី​ឆ្នាំ ២០០៤ មក ហើយ​នោះ​ជា​មហន្តរាយ​ដ៏​ធំ​សម្រាប់​រុស្ស៊ី​។ ដូច្នេះ​យើង​គ្មាន​ជម្រើស​ណា​ផ្សេង​ពី​បើក​ប្រតិបត្តិការ​យោធា​ពិសេស​នៅ​អ៊ុយ​ក្រែ​ន ដើម្បី​ទប់ស្កាត់​គ្រោះមហន្តរាយ​៕

Filed in: អន្តរជាតិ

Recent Posts

Bookmark and Promote!



©២០១៨ រក្សាសិទ្ធិដោយសារព័ត៌មាន «ភ្នំពេញថ្មី | Phnom Penh Thmey» | ទូរស័ព្ទ៖ 012 89 58 53 / 097 67 37 876

អាសយដ្ឋាន ៖ ផ្ទះលេខ ១២ ផ្លូវលេខ ៥ (ក្នុងបុរីប៉េងហួត) សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា