កីឡា ៖ អ្នកចាត់ការ Manchester City លោក Pep Guardiola បានយល់ព្រមបន្តកុងត្រារយៈពេលមួយឆ្នាំទៀត។
ទោះបីជា Man City បដិសេធមិនធ្វើអត្ថាធិប្បាយលើរឿងនេះក្ដី ក៏ដោយក៏ប្រភពជាច្រើនបានបញ្ជាក់ថាលោក Guardiola បានជ្រើសរើសចុះហត្ថលេខាលើកិច្ចព្រមព្រៀងថ្មីដើម្បីបន្តស្នាក់នៅក្លឹប គម្រប់ ១០ឆ្នាំនៃការចូលកាន់តំណែងរបស់លោកផងដែរ។
គ្រូបង្វឹកសញ្ជាតិអេស្ប៉ាញវ័យ ៥៣ ឆ្នាំរូបនេះបានចូលរួមជាមួយ Man City ក្នុងឆ្នាំ ២០១៦ ហើយបានឈ្នះពានរង្វាន់ចំនួន ១៨ មកទល់ពេលនេះ រួមទាំងពានរង្វាន់ Premier League ចំនួន៦។
កិច្ចសន្យារបស់លោកនឹងត្រូវផុតកំណត់នៅចុងរដូវកាលនេះ។ ក្នុងអំឡុងពេលដឹកនាំ Man City លោក Guardiola បានជួយ Man City ឱ្យក្លាយជាក្រុម អង់គ្លេសទី២ដែលឈ្នះពានរង្វាន់៣ក្នុងមួយរដូវកាល ដូចជា Premier League, FA Cup និង Champions League នៃរដូវកាល ២០២២-២០២៣ និងក្លាយជាក្រុមដំបូងគេនៅ Premier League ដែលឈ្នះពានលីគកំពូលមួយនេះបាន ៤សម័យកាលជាប់ៗគ្នាទៀតផង៕
