ខេត្តស្វាយរៀង ៖ ព្រឹកថ្ងៃទី១៣ ខែកញ្ញា ឆ្នាំ២០២១នេះលោកជំទាវ ឱ វណ្ណឌីន រដ្ឋលេខាធិការ ក្រសួងសុខាភិបាល និងជាប្រធានគណកម្មការចំពោះកិច្ចចាក់វ៉ាក់សាំងកូវីដ ១៩ ក្នុងក្របខ័ណ្ឌទូទាំងប្រទេស បាននាំយកនូវរង្វាន់លើកទឹកចិត្តរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រគល់ជូនលោកយាយដែលមានអាយុលើស ១០០ឆ្នាំចំនួន២រូប ដែល បានស្ម័គ្រចិត្តចាក់វ៉ាក់សាំងការពារជំងឺកូវីដ ១៩ នៅក្នុងស្រុកស្វាយជ្រ។
លោក ម៉ែន វិបុល អភិបាលខេត្តស្វាយរៀងនិងមន្ត្រីពាក់ព័ន្ធជាច្រើនរូបទៀតក៏បានអញ្ជើញចូលរួមក្នុងពិធីនោះផងដែរ។
ចំពោះលោកយាយទាំង២រូបនោះរួមមាន៖
១. លោកយាយ សៅ នាង អាយុ ១០០ឆ្នាំ មានទីលំនៅភូមិតារាក់ ឃុំឈើទាល ស្រុកស្វាយជ្រំ ខេត្តស្វាយរៀង
២. លោកយាយ ជ័យ ពៅ អាយុ ១០០ឆ្នាំ មានទីលំនៅភូមិត្រពាំងធ្លក ឃុំពោធិរាជ ស្រុកស្វាយជ្រំ ខេត្តស្វាយរៀង ។
រង្វាន់លើកទឹកចិត្តជូនដល់លោកយាយគឺក្នុងម្នាក់ៗទទួលបានរួមមាន៖
១- ថវិកាចំនួន ៣លានរៀល
២-អង្ករចំនួន ២៥គីឡូក្រាម
៣-ទឹកសុទ្ធចំនួន ០២កេស
៤-មីចំនួន ១២កេស
៥-ប្រេងឆាចំនួន ០២ដប
៦-ទឹកស៊ីអីវចំនួន ០២យួ
៧-ត្រីខចំនួន ០១កេស
៨-ស្កសចំនួន ០២គីឡូក្រាម
លោកជំទាវក៏បានពាំនាំនូវប្រប្រសាសន៍ផ្តាំផ្ញើរសាកសួរសុខទុក្ខ ពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនជូនពរលោកយាយទាំងពីរសូមឲ្យមានសុខភាពល្អ ចៀសផុតពីជំងឺកាចសាហាវផ្សេងៗ និងសូមថែរក្សាអនាម័យ សុខភាពដើម្បីជៀសផុតពីជំងឺកូវីដ ១៩ ដោយត្រូវអនុវត្តនូវវិធានការសុខាភិបាលឲ្យបានខ្ជាប់ខ្ជួន ជាពិសេស គឺវិធានការ ៣ការពារ ៣កុំ៕គឹមសេង