តៃប៉ិ៖ មនុស្សចំនួន ៤៦ នាក់បានស្លាប់ និងរាប់សិបនាក់ផ្សេងទៀតបានរងរបួស បន្ទាប់ពីអគ្គិភ័យដ៏ធំមួយបានឆាបឆេះអគារលំនៅដ្ឋានមួយកន្លែង ភាគខាងត្បូងកោះតៃវ៉ាន់ នៅថ្ងៃព្រហស្បតិ៍នេះ។.ភ្នំពេញថ្មី
យោងតាមទីភ្នាក់ងារសារព័ត៌មានកណ្តាលផ្លូវការរបស់តៃវ៉ាន់ (CNA) បានឲ្យដឹងថា អគ្គិភ័យនេះបានឆាបឆេះនៅក្នុងអគារពាណិជ្ជកម្ម និងលំនៅដ្ឋានកម្ពស់ ១៣ ជាន់ នៅវេលាម៉ោង ២ និង ៥៤ នាទីព្រឹក ម៉ោងនៅក្នុងស្រុក (ម៉ោង ២ និង ៥៤ នាទីរសៀល) ដែលស្ថិតនៅក្នុងសង្កាត់ យ៉ានចេង (Yancheng) នៃទីក្រុង Kaohsiung។
អ្នកនាំពាក្យការិយាល័យពន្លត់អគ្គីភ័យនៃទីក្រុង Kaohsiung បានប្រាប់ CNN ថា ប្រតិបត្តិការជួយសង្គ្រោះនេះនៅកំពុងដំណើរការនៅឡើយ ដោយមានបុគ្គលិកជួយសង្គ្រោះជាង ៣៧៧ នាក់ត្រូវបានដាក់ពង្រាយនៅកន្លែងកើតហេតុ។ លោកបានបន្តថា មានមនុស្សយ៉ាងតិច ៤១ នាក់បានរងរបួស។ មនុស្សជាង ១០០ នាក់ដែលភាគច្រើនជាមនុស្សដែលមានវ័យចំណាស់ និងជនពិការ គឺបានរស់នៅក្នុងអគារនោះ។
មកដល់ពេលនេះ អាជ្ញាធរនៅមិនទាន់បានផ្ដល់ព័ត៌មានឲ្យលម្អិតណាមួយពីមូលហេតុនៃការឆាបឆេះនៅឡើយទេ៕
ប្រភព៖ CNN NEWS
