តៃប៉ិ៖ រដ្ឋមន្ត្រីការពារជាតិតៃវ៉ាន់ បាននិយាយ កាលពីថ្ងៃព្រហស្បតិ៍ថា តៃវ៉ាន់ត្រូវតែត្រៀមការពារខ្លួនដោយខ្លួនឯង ហើយមិនអាចពឹងផ្អែកទាំងស្រុងលើប្រទេសផ្សេងទៀតដែលរង់ចាំជួយនោះទេ ប្រសិនបើប្រទេសចិនមានបំណងបើកការវាយប្រហារលើកោះមួយនេះ បើទោះបីជាប្រធានាធិបតីតៃវ៉ាន់ បាននិយាយថា លោកស្រីមានជំនឿថាសហរដ្ឋអាមេរិកនឹងជួយការពារក៏ដោយ។
រដ្ឋមន្ត្រីការពារជាតិតៃវ៉ាន់លោក Chiu Kuo-Cheng (.ភ្នំពេញថ្មី.) បានប្រាប់ឲ្យដឹងថា ប្រទេសយើងត្រូវតែពឹងផ្អែកលើខ្លួនឯង ហើយប្រសិនបើប្រទេសសម្ព័ន្ធមិត្ត ឬដៃគូភាគីជំនួយផ្សេងទៀតអាចជួយយើងបាន នោះវាដូចជាអ្វីដែលខ្ញុំបាននិយាយពីមុនមកថា យើងសប្បាយចិត្តដែលពួកគេបានជួយយើង ប៉ុន្តែយើងមិនអាចពឹងផ្អែកទាំងស្រុងលើពួកគេបានទេ។
គួរបញ្ជាក់ថា ភាពតានតឹងរវាងតៃវ៉ាន់ និងចិន កាន់តែកើនឡើងដល់កម្រិតខ្ពស់បំផុតមួយក្នុងរយៈពេលជាច្រើនទសវត្សរ៍មកនេះ ដោយប្រទេសចិនបានបញ្ជូនយន្តហោះចម្បាំងក្នុងចំនួនបំបែកកំណត់ត្រាទៅកាន់ដែនអាកាសអន្តរជាតិនៅជិតកោះមួយនេះ។ ដោយ ក្រសួងការពារជាតិតៃវ៉ាន់ បានឲ្យដឹងថា ប្រទេសចិនគ្រោងនឹងធ្វើការឈ្លានពានលក្ខណៈទ្រង់ទ្រាយធំមួយមកលើកោះមួយនេះនៅឆ្នាំ ២០២៥ ខាងមុខ៕
ប្រភព៖ The India Express