ចិន ៖ ប្រទេសចិនបានកត់ត្រាចំនួនករណីកូវីដ១៩ក្នុងសហគមន៍ប្រចាំថ្ងៃច្រើនបំផុតមិនធ្លាប់មានក្នុងរយៈពេល៦សប្តាហ៍កាលពីថ្ងៃសុក្រ ខណៈដែលប្រទេសនេះកំពុងប្រយុទ្ធប្រឆាំងនឹងការផ្ទុះឡើងករណីឆ្លងភាគច្រើននៅក្នុងខេត្តភាគខាងជើង។នេះបើយោងតាមប្រភពពីសារព័ត៌មាន CNA។
គណៈកម្មាធិការសុខភាពជាតិបាននិយាយនៅថ្ងៃសៅរ៍នេះថា ប្រទេសចិនបានរាយការណ៍ពីការឆ្លងក្នុងស្រុកថ្មីចំនួន ៥៩ករណីកាលពីថ្ងៃទី ២៩ ខែតុលា ពោលគឺកើនឡើង៤៨ករណីបើប្រៀបធៀបកាលពីថ្ងៃមុន។ វាជាចំនួនខ្ពស់បំផុតនៃការឆ្លងក្នុងសហគមន៍ថ្មីចាប់តាំងពីថ្ងៃទី ១៦ ខែកញ្ញា។
ករណីក្នុងសហគមន៍ថ្មីភាគច្រើនគឺនៅភាគខាងជើងប្រទេសចិន ជាមួយនឹងការឆ្លងដែលត្រូវបានរាយការណ៍នៅក្នុងទីក្រុង Heilongjiang, Inner Mongolia, Gansu, Beijing និង Ningxia ។
រាប់បញ្ចូលទាំងការឆ្លងដែលនាំចូលពីបរទេស ប្រទេសចិនបានកត់ត្រាករណីឆ្លងកូវីដ១៩ថ្មីចំនួន ៧៨ ករណីកាលីថ្ងៃទី ២៩ ខែតុលា ពោលគឺកើនឡើង ៦៤ករណីកាលពីមួយថ្ងៃមុន។ យ៉ាងណាមិញមិនមានករណីស្លាប់ថ្មីទេ ដែលធ្វើឱ្យចំនួនអ្នកស្លាប់មិនផ្លាស់ប្តូរគឺ ៤,៦៣៦៣នាក់ដដែល៕
