បាងកក៖ ប្រទេសថៃ គឺជាប្រទេសមួយក្នុងចំណោមប្រទេសដំបូងគេក្នុងទ្វីបអាស៊ី ដែលបានបើកឡើងវិញ សម្រាប់ទទួលភ្ញៀវទេសចរបរទេស ហើយកំពុងត្រូវបានគេមើលឃើញថា វិស័យទេសចរណ៍របស់ប្រទេសនេះមានការស្ទុះងើបឡើងវិញបន្តិចម្ដងៗហើយ។
ក្នុងរយៈពេល ១០ ខែដំបូងនៃឆ្នាំ ២០២១ នេះប្រទេសថៃមានភ្ញៀវទេសចរបរទេសចំនួន ១០៦.១១៧ នាក់ ដែលចំនួនធ្លាក់ចុះ ៦.៧ លាននាក់ក្នុងឆ្នាំ ២០២០ ។ មុនពេលជំងឺរាតត្បាត ប្រទេសថៃមានអ្នកទេសចរប្រហែល ៤០ លាននាក់ក្នុងមួយឆ្នាំៗ។
ក្រុមហ៊ុនបដិសណ្ឋារកិច្ចថៃ ដូចជា Asset World Corporation Pcl (AWC.BK) (.ភ្នំពេញថ្មី.) ដែលបានបើកក្នុងខែនេះ បានបង្ហាញពីទិន្នន័យសម្រាប់ការកក់សណ្ឋាគាររបស់ខ្លួន ដែលភាគច្រើនមកពីប្រទេសលោកខាងលិច និងមជ្ឈឹមបូព៌ា។
គួរបញ្ជាក់ថា ប្រទេសថៃ ដែលជាទិសដៅទេសចរណ៍មួយដ៏ពេញនិយមបំផុតក្នុងតំបន់ គឺបានពឹងផ្អែកយ៉ាងខ្លាំងលើវិស័យនេះ។ នៅក្នុងឆ្នាំ ២០១៩ ថៃទទួលបានភ្ញៀវទេសចរសរុបចំនួន ៤០ លាននាក់ ហើយចំណាយប្រាក់អស់ចំនួន ១.៩១ ពាន់លានបាត (៥៧.៣ ពាន់លានដុល្លារ) ៕
