កីឡា ៖ Newcastle United បានចុះហត្ថលេខានាំយកអ្នកចាំទីសញ្ជាតិអាល្លឺម៉ង់ Loris Karius ក្នុងកិច្ចសន្យាដំបូងរហូតដល់ខែមករា។
កីឡាករវ័យ ២៩ ឆ្នាំរូបនេះបានក្លាយជាកីឡាករគ្មានតម្លៃខ្លួន បន្ទាប់ពីចាកចេញពី Liverpool នៅរដូវក្តៅ ហើយមានជម្រើសក្នុងការបន្តកិច្ចសន្យារហូតដល់ចុងបញ្ចប់នៃរដូវកាលនេះ។
ការសម្រេចបន្តមកកាន់ក្លិប Newcastle United នៃលីគអង់គ្លេស បន្ទាប់ពីអ្នកចាំទី Karl Darlow បានជួបបញ្ហារបួសកជើង ហើយកីឡាករ Karius បានបង្ហាញអារម្មណ៍ថា «ខ្ញុំពិតជាមានក្តីរំភើបរីករាយ ដែលវាជាគម្រោងដ៏ត្រឹមត្រូវ ក្នុងការធ្វើការជាមួយគ្រូបង្វឹក និងមិត្តរួមក្រុមថ្មីរបស់ខ្ញុំ»៕
