ប្រភពសារពត៌មានTassបានបង្ហាញពីចំនួនជនភៀសខ្លួនអ៊ុយក្រែនដែលបានមកដល់ប្រទេសរុស្ស៊ី ចាប់តាំងពីខែកុម្ភៈមក មានចំនួន៤.១លាននាក់ហើយ ក្នុងនោះមានមនុស្សប្រមាណ ៣៤.៧០០ នាក់កំពុងស្ថិតក្នុងជម្រកស្នាក់នៅបណ្ដោះអាសន្នក្រោមការគ្រប់គ្រងដោយរុស្ស៊ី។
មន្ត្រីទទួលបន្ទុកក៏បានបង្ហាញឲ្យដឹងដែរថា ចំនួនជនភៀសខ្លួនដែលបានមកដល់ប្រទេសរុស្ស៊ីពីទឹកដីនៃអ៊ុយក្រែននិង Donbass ចាប់តាំងពីខែកុម្ភៈបានកើនឡើងដល់ ៤.១ លាននាក់។ ទីភ្នាក់ងារអនុវត្តច្បាប់បានប្រាប់ TASS កាលពីថ្ងៃអង្គារនេះ។
ប្រភពបានបញ្ជាក់បន្ថែមថា ចំនួនសរុបនៃជនភៀសខ្លួន ដែលបានមកដល់ប្រទេសរុស្ស៊ីពីអ៊ុយក្រែននិង Donbass] ចាប់តាំងពីខែកុម្ភៈមានចំនួន៤.១ លាននាក់រួមទាំងកុមារ ៦៤១,០០០នាក់ ។
ក្នុងនោះក៏មានមនុស្ស ៣៤,៧០០ នាក់កំពង់នៅក្នុងជម្រកបណ្តោះអាសន្ន។ ប៉ុន្តែពួកគេត្រូវបានផ្តល់ជំនួយផ្នែកវេជ្ជសាស្ត្រ និងផ្នែកច្បាប់ថែមទៀត។ទន្ទឹមនោះ ពួកគេក៏ត្រូវបានផ្តល់ប្រាក់បំណាច់ចំនួន ១០.០០០ rubles (ជិត ១៦៥ដុល្លារ) ក្នុងមនុស្សម្នាក់ៗផងដែរ។ដូច្នេះការចំណាយសរុបមានរហូតដល់ ៨.២ ពាន់លានរូប្លែ ស្មើនឹង (១៣៥,៥៩៣,២៣២ ដុល្លារ) ឯណោះ ដែលជាបននទុករបស់រុស្ស៊ី៕
