កីឡា ៖ Manchester United បានប្រកាសពីការខាតបង់ប្រាក់សុទ្ធចំនួន ១១៥.៥ លានផោនសម្រាប់រដូវកាលឆ្នាំ២០២១-២២ ទោះបីជាប្រាក់ចំណូលបានកើនឡើង ១៨%ស្មើនឹង៥៨៣.២ លានផោនក៏ដោយ។
តួលេខដែលបានចេញផ្សាយ រួមបញ្ចូលដំណាច់ឆ្នាំហិរញ្ញវត្ថុរបស់ពួកគេក្នុងខែមិថុនាបានបង្ហាញថា ការខាតបង់បានកើនឡើង ២៣.៣លានផោន បើធៀបនឹងឆ្នាំ២០២១។ បំណុលរបស់ក្លិបក៏បានកើនឡើងផងដែរពី ៤១៩.៥លានផោន ក្នុងឆ្នាំ២០២១ ដល់៥១៤.៩លានផោន ក្នុងឆ្នាំនេះ ដោយបានកើនឡើងមានជាង ២២ភាគរយ៕
