នៅព្រឹកថ្ងៃទី០៨ ខែមីនា ឆ្នាំ២០២៣ នាទីស្ដីការ គ.ជ.ប លោក ប្រាជ្ញ ចន្ទ ប្រធានគណ:កម្មាធិការជាតិរៀបចំការបោះឆ្នោត និងលោកជំទាវបាន ចូលរួមជាអធិបតីក្នុងពិធីសំណេះសំណាលជាមួយមន្ត្រីរាជការ និងមន្ត្រីបុគ្គលិកជាប់កិច្ចសន្យានៃគណៈកម្មាធិការជាតិរៀបចំការបោះឆ្នោត ក្នុងឱកាសខួបលើកទី ១១២ ទិវាអន្តរជាតិនារី ៨មីនា ២០២៣ ក្រោមប្រធានបទ « ស្ត្រីរួមគ្នា រក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល»។
សូមជម្រាបថា ទិវាអន្តរជាតិនារី ឬទិវាសិទ្ធនារីអន្តរជាតិ ត្រូវបានមហាសន្និបាតអង្គការសហប្រជាជាតិប្រកាសនៅឆ្នាំ១៩៧៧ ជាថ្ងៃអង្គការសហប្រជាជាតិ ស្តីពីសិទ្ធិស្ត្រីនិងសន្តិភាពពិភពលោក។ ទិវានេះត្រូវបានប្រារព្ធឡើងនៅទូទាំងសកលលោក ដើម្បីរម្លឹកពីប្រវត្តិនៃការតស៊ូទាមទារសិទ្ធិសេរីភាព និងឆ្លុះបញ្ចាំងពីសមិទ្ធផល បញ្ហាប្រឈម ការប្តេជ្ញាចិត្ត និងវិធានការ វិជ្ជមាននានា សំដៅបន្តលើកកម្ពស់សមភាពយេនឌ័រ និងបង្កើនភាពអង់អាចក្លាហានដល់ស្ត្រី និងក្មេងស្រី៕
