អង្គភាពជួរមុខរបស់អ៊ុយក្រែន បានងាកទៅរកការបែងចែកកាំភ្លើងធំ ដោយសារតែការផ្គត់ផ្គង់របស់សហរដ្ឋអាមេរិកបានបញ្ឈប់ ហើយការផ្ដល់ដោយសហភាពអឺរ៉ុប មានភាពយឺតយ៉ាវ។ នេះបើយោងតាមរបាយការណ៍របស់ Financial Times ។
ទីក្រុងគៀវ កំពុងប្រឈមនឹងការខ្វះខាតគ្រាប់កាំភ្លើងធំដែលផ្ដល់ដោយលោកខាងលិច នេះបើតាមការបញ្ជាក់របស់មន្ត្រីសហភាពអឺរ៉ុប និងអាមេរិក ដែលមិនបញ្ចេញឈ្មោះ។
អ្នកការទូតជាន់ខ្ពស់របស់អង្គការណាតូ បានប្រាប់ FT ថា វាជាស្ថានភាពអស់សង្ឃឹមមួយនៅជួរមុខសម្រាប់ប្រជាជនអ៊ុយក្រែន ដែលអាក្រក់ជាងអ្វីដែលពួកគេរំពឹងទុក។
លោក បានបន្ថែមថា តម្រូវការអប្បបរមាប្រចាំថ្ងៃដ៏សំខាន់បំផុត សម្រាប់អ៊ុយក្រែនគឺ ៦,០០០ គ្រាប់ក្នុងមួយថ្ងៃ ប៉ុន្តែយោធារបស់ខ្លួនអាចបាញ់បានប្រហែលមួយភាគបីនៃចំនួននោះ៕