យេរ៉ូសាឡឹម៖ ទាហានអ៊ីស្រាអែល បានបើកការបាញ់ប្រហារទៅលើក្រុមមនុស្សដែលឈររង់ចាំទទួលជំនួយមនុស្សធម៌ នៅទីក្រុងហ្គាហ្សា ដោយសម្លាប់ជនជាតិប៉ាឡេស្ទីនយ៉ាងហោចណាស់ម្នាក់ និងជាច្រើននាក់ទៀតរងរបួស។
យោងតាមសាក្សី និងជនរងគ្រោះ បញ្ជាក់ថា បណ្ដាលឲ្យមនុស្សយ៉ាងហោចណាស់ ១០ នាក់រងរបួស ។
ភាពតានតឹងបានផ្ទុះឡើងម្តងទៀតនៅមជ្ឈិមបូព៌ា នៅថ្ងៃទី ៧ ខែតុលាឆ្នាំ ២០២៣ នៅពេលដែលពួកសកម្មប្រយុទ្ធមកពីចលនាប៉ាឡេស្ទីនរ៉ាឌីកាល់ដែលមានមូលដ្ឋាននៅហ្គាហ្សាស្ទ្រីប ហាម៉ាស បានធ្វើការវាយប្រហារដ៏គួរឱ្យភ្ញាក់ផ្អើលមួយលើទឹកដីអ៊ីស្រាអែល ពីតំបន់ហ្គាហ្សាដោយសម្លាប់អ្នករស់នៅតាមព្រំដែនអ៊ីស្រាអែល និងចាប់ចំណាប់ខ្មាំងច្រើននាក់រួមទាំងស្ត្រី កុមារ និងមនុស្សចាស់៕
