ប្រតិបត្តិការបង្ក្រាបទប់ស្កាត់បទល្មើសធនធានធម្មជាតិនៅក្នុងភូមិសាស្ត្រខេត្តពោធិ៍សាត់ រយៈពេល ២១ ថ្ងៃ អាជ្ញាធរសម្រេចឃ្លុំដីបានចំនួន ៩.៨០០,៨២ហិកតា និងរកឃើញ ហើយឃាត់ខ្លួនជនសង្ស័យចំនួន ៣០នាក់ ក្នុងនោះបញ្ជូនសំណុំរឿង ទៅតុលាការចំនួន ១៦ករណី។
ប្រតិបត្តិការនោះ គិតចាប់ពីថ្ងៃទី១១ ដល់ថ្ងៃទី៣១ ខែមីនា ឆ្នាំ២០២៤ សរុបរយៈពេល២១ថ្ងៃ។
គួររម្លឹកថា ប្រតិបត្តិការបង្ក្រាប ទប់ស្កាត់បទល្មើសធនធានធម្មជាតិ នៅខេត្តពោធិ៍សាត់ លក្ខណៈទ្រង់ទ្រាយធំ និងបានរៀបចំឡើងបន្ទាប់ពីមានបទបញ្ជារបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ឱ្យក្រសួងបរិស្ថាន ក្រសួង ស្ថាប័ន ព្រមទាំងអាជ្ញាធរ និងសម្ថកិច្ចពាក់ព័ន្ធ ពង្រឹងការគ្រប់គ្រងធនធាធម្មជាតិទូទាំងប្រទេស និងអនុវត្តច្បាប់ឱ្យបានតឹងរឹងចំពោះអ្នកប្រព្រឹត្តបទល្មើសធនធានធម្មជាតិនៅកម្ពុជា៕
