កីឡា ៖ អ្នកចាត់ការក្រុម Manchester City លោក Pep Guardiola នៅតែកោតសរសើរកូនក្រុមរបស់លោក ក្រោយប្រកួតចាញ់ Real Madrid ក្នុងកីឡដ្ឋាន Etihad របស់ខ្លួនដោយបាល់ ១១ម៉ែត្រកាត់សេចក្តី ៤-៣ ក្រោយពេលប្រកួត ១២០នាទីមានលទ្ធផលស្មើគ្នា ១-១។
លោក Pep បាននិយាយថា លោកមិនបានសោកស្ដាយចំពោះការចាញ់ Real Madrid ដោយសារការប្រកួត៩០នាទីនៅក្នុងកីឡដ្ឋាន Etihad ក្រុមរបស់លោកបានគ្រប់គ្រងការប្រកួតយ៉ាងល្អ ជាពិសេសបានបង្កើតឱកាសស៊ុតជាច្រើនលើក។
លោកបន្តថា ខ្ញុំពិតជាចង់ឈ្នះ ប៉ុន្តែសូមអបអរសាទរ Real Madrid ដែលលេងការពារយ៉ាងល្អជាមួយនឹងសាមគ្គីភាពដ៏អស្ចារ្យ។ យើងបានធ្វើអ្វីគ្រប់បែបយ៉ាងហើយ ដូច្នេះខ្ញុំមិនសោកស្តាយអ្វីឡើយ។ យើងបានលេងយ៉ាងល្អគ្រប់តំបន់ ប៉ុន្តែសំណាងមិនល្អ យើងមិនអាចឈ្នះ»។ «ខ្ញុំត្រូវតែនិយាយអរគុណដល់កីឡាករទាំងអស់ចេញពីបេះដូង ពីព្រោះពួកគាត់បង្ហាញទម្រង់លេងយ៉ាងល្អ។ បាល់ទាត់គឺយើងគិតតែពីជ័យជម្នះ ហើយយើងធ្វើមិនបានល្អគ្រប់គ្រាន់ដូចអ្វីដែលយើងរំពឹងទុក»៕
