អគ្គលេខាធិការអង្គការណាតូ លោក Jens Stoltenberg បានថ្លែងកាលពីម្សិលមិញថា អ្នកគាំទ្រអ៊ុយក្រែនគួរតែផ្តល់អាទិភាពដល់ការបរិច្ចាគអាវុធដល់ទីក្រុងគៀវ លើសមត្ថភាពការពាររបស់ពួកគេផ្ទាល់។
លោក Stoltenberg បានប្រាប់អ្នកយកព័ត៌មានក្នុងអំឡុងសន្និសីទកាសែតនៅទីក្រុងប្រ៊ុចសែលថា ផ្នែកមួយនៃកិច្ចខិតខំប្រឹងប្រែងដ៏សំខាន់ឥឡូវនេះយើងកំពុងធ្វើនៅទូទាំងសម្ព័ន្ធមិត្តណាតូ ដើម្បីជំរុញការបញ្ជូនប្រព័ន្ធការពារដែនអាកាសរបស់យើងទៅកាន់អ៊ុយក្រែន។
ប៉ុន្តែអ៊ុយក្រែនត្រូវការច្រើនជាងនេះ ហើយនោះហើយជាមូលហេតុដែលសម្ព័ន្ធមិត្តប្រឈមមុខនឹងជម្រើសរវាងការបំពេញគោលដៅសមត្ថភាពរបស់ណាតូ និងការផ្តល់ជំនួយបន្ថែមដល់អ៊ុយក្រែន។ លោកថា សាររបស់ខ្ញុំគឺច្បាស់ណាស់ ដែលត្រូវផ្ញើបន្ថែមទៀតទៅអ៊ុយក្រែន។
លោក Stoltenberg បានចង្អុលទៅប្រទេសដាណឺម៉ាកថាជា គំរូដ៏រឹងមាំសម្រាប់ការសន្យាក្នុងខែកុម្ភៈក្នុងការបរិច្ចាគកាំភ្លើងធំទាំងអស់របស់ខ្លួនទៅ Kiev ដូច្នេះប្រទេសដ៏ទៃទៀតត្រូវតែធ្វើឲ្យដូចគ្នា និងស្មើដៃគ្នា។ គាត់ក៏បានសរសើរប្រទេសដាណឺម៉ាក និងហូឡង់សម្រាប់ផែនការរបស់ពួកគេក្នុងការផ្តល់យន្តហោះ F-16 ទៅឲ្យអ៊ុយក្រែន។ លោកក៏បានលើកទឹកចិត្តដល់សមាជិកសភាសហរដ្ឋអាមេរិក ដែលត្រូវបានគេរំពឹងថានឹងបោះឆ្នោតឱ្យផ្តល់ជំនួយបន្ថែមដល់អ៊ុយក្រែនឆាប់ៗនេះផងដែរ បន្ទាប់ពីមានការពន្យារពេលជាច្រើនខែ។
ការអំពាវនាវរបស់ប្រធានអង្គការ NATO ធ្វើឡើងចំពេលដែលរដ្ឋសមាជិកកំពុងតស៊ូក្នុងការផ្តល់អាវុធក្នុងបរិមាណគ្រប់គ្រាន់ដល់អ៊ុយក្រែន និងដោយមិនបាត់បង់ស្តុកផ្ទាល់ខ្លួន ធ្វើឱ្យប៉ះពាល់ដល់សន្តិសុខអាមេរិក។
មន្ត្រីជាន់ខ្ពស់នៅទីក្រុងគៀវកំពុងស្តីបន្ទោសកង្វះគ្រាប់រំសេវសម្រាប់ការវាយលុកដែលបរាជ័យកាលពីឆ្នាំមុន ក៏ដូចជាការបាត់បង់សមរភូមិនាពេលថ្មីៗនេះ។
ប្រធានាធិបតីអ៊ុយក្រែន លោក វ្ល៉ាឌីមៀ ហ្សេលេនស្គី បានរិះគន់ប្រទេសអាឡឺម៉ង់ យ៉ាងខ្លាំងផងដែរចំពោះការបដិសេធមិនបរិច្ចាគ កាំជ្រួចមីស៊ីល បើកតាមអាកាស Taurus របស់ខ្លួន និងគណបក្សសាធារណរដ្ឋ របស់សហរដ្ឋអាមេរិក សម្រាប់ការទប់ស្កាត់ វិក័យប័ត្រជំនួយយោធា ៦១ ពាន់លានដុល្លារ ដែលលោកប្រធានាធិបតី Joe Biden ស្វែងរកការគាំទ្រ។ចំណែក លោក Zelensky ក៏បានព្រមានក្នុងខែនេះថា ប្រសិនបើសភាមិនជួយអ៊ុយក្រែនទេ អ៊ុយក្រែននឹងចាញ់សង្គ្រាមយ៉ាងពិតប្រាកដ។
គួររម្លឹកថា ថ្មីៗនេះ ក្រុងប៊ែរឡាំងបានយល់ព្រមផ្គត់ផ្គង់ប្រព័ន្ធការពារដែនអាកាស Patriot ដែលផលិតដោយសហរដ្ឋអាមេរិកមួយទៀត ដល់ទីក្រុងគៀវ។ ទោះបីជាយ៉ាងណាក៏ដោយ វាបានបដិសេធមិនធ្វើការសម្រេចចិត្តលើការផ្តល់អាវុធ Taurus នោះទេ ដោយលើកហេតុផលថា ការបញ្ជូនកាំជ្រួចនេះ នឹងតម្រូវឱ្យមានបុគ្គលិកអាល្លឺម៉ង់នៅលើដីអ៊ុយក្រែន។
ទន្ទឹមនឹងនោះ ប្រធានសភាអាមេរិក លោក Mike Johnson បានប្រកាសថា លោកនឹងដាក់វិក័យប័ត្រជំនួយអ៊ុយក្រែន ទៅក្នុងការបោះឆ្នោតនៅថ្ងៃសៅរ៍សប្តាហ៍នេះ ខណច្បាប់នេះត្រូវបានជាប់គាំងពីមុនដោយសារតែការឈ្លោះប្រកែកគ្នាដ៏ជូរចត់រវាងគណបក្សប្រជាធិបតេយ្យ និងគណបក្សសាធារណរដ្ឋ ជុំវិញបញ្ហាអន្តោប្រវេសន៍ និងសន្តិសុខព្រំដែន។
ចំណែករុស្ស៊ីវិញ បានលើកទ្បើងថា ការផ្តល់អាវុធពីបរទេសនឹងនាំឱ្យមានការកើនឡើងបន្ថែមទៀត ប៉ុន្តែនឹងមិនផ្លាស់ប្តូរដំណើរនៃជម្លោះនោះទេ។ អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បាននិយាយកាលពីខែមករាថា លោកខាងលិចនៅតែបន្តបូមយករបបលោក Zelensky ដោយប្រើអាវុធ ហើយកំពុងក្លាយជាអ្នកសមគំនិតចំពោះឧក្រិដ្ឋកម្មដ៏គួរឱ្យរន្ធត់របស់ខ្លួន៕