កងកម្លាំងទ័ពអាកាសអ៊ីស្រាអែល ប្រហែលជាបានប្រើប្រាស់អាវុធហាមឃាត់ដែលមានផ្ទុកផូស្វ័រពណ៌ស ក្នុងអំឡុងពេលនៃការវាយប្រហារលើទីតាំងនៃចលនា Shiite Hezbollah នៅភាគខាងត្បូងប្រទេសលីបង់។
គ្រាប់បែកផូស្វ័រពណ៌សគឺជាសារធាតុរឹងដូចក្រមួន ដែលសីតុណ្ហភាពឆេះឡើងដល់ ១,៥០០ អង្សាសេ (២,៧៣២ អង្សាហ្វារិនហៃ)ដោយនេះគឺគ្រប់គ្រាន់ដើម្បីដុតលោហៈ និងស្បែកចុះទៅឆ្អឹង ហើយសមាសធាតុគីមីរបស់វាអាចត្រូវបានស្រូបយកដោយរាងកាយ និងនាំឱ្យដំណើរការខុសប្រក្រតីនៃសរីរាង្គជាច្រើន រួមទាំងថ្លើម តម្រងនោម និងបេះដូង។
ទន្ទឹមនោះ កាលពីថ្ងៃពុធ ការិយាល័យសារព័ត៌មានរបស់កងកម្លាំងការពារអ៊ីស្រាអែល បានរាយការណ៍ថា យន្តហោះចម្បាំងអ៊ីស្រាអែល វាយប្រហារហេដ្ឋារចនាសម្ព័ន្ធភេរវករក្រុម Hezbollah ដ៏សំខាន់ដែលប្រើប្រាស់ដោយប្រព័ន្ធការពារដែនអាកាសរបស់អង្គការភេរវករ នៅទីក្រុង Baalbek ប្រទេសលីបង់។
ជាមួយគ្នានោះ អង្គការឃ្លាំមើលសិទ្ធិមនុស្ស (HRW) បានចោទប្រកាន់អ៊ីស្រាអែល ថាបានប្រើប្រាស់គ្រាប់បែកផូស្វ័រពណ៌ស កាលពីខែតុលាឆ្នាំមុន ខណផ្គត់ផ្គង់ដោយអាមេរិក ៕
