កីឡា៖ ក្រុម Atalanta បានឈានទៅវគ្គពាក់កណ្តាលផ្តាច់ព្រ័ត្រ Europa League បើទោះបីជាចាញ់ Liverpool ១-០ កាលពីថ្ងៃព្រហស្បតិ៍ ខណៈមកពីអ៊ីតាលីមួយនេះបានយកឈ្នះក្នុងលទ្ធផល ៣-១ ដើម្បីរំកិលមួយជំហានខិតទៅជិតវគ្គផ្តាច់ព្រ័ត្រអឺរ៉ុបជាលើកដំបូងសម្រាប់ក្រុម Serie A ។
Atalanta បានធ្វើឱ្យក្លឹបនៅ Premier League ស្រឡាំងកាំងក្នុងលទ្ធផល ៣-០ ក្នុងការប្រកួតជើងទីមួយនៃវគ្គ1/4ផ្តាច់ព្រ័ត្រកាលពីសប្តាហ៍មុននៅ Anfield ដែលវាជារឿងអាក្រក់ Liverpool មុនបញ្ចប់ក្នុងរដូវកាលចុងក្រោយរបស់អ្នកចាត់ការលោក Juergen Klopp ។
សម្រាប់ការប្រកួតជើងទី២យប់មិញក្រុមហង្សក្រហម Liverpool ធ្វើបានល្អ ក្នុងប្រទេសអ៊ីតាលី ខណៈដែលកីឡាករ Mohammed Salah បានស៊ុតបាល់ប៉េណាល់ទីនៅនាទីទី ៧ ប៉ុន្តែមិនអាចជំរុញឱ្យមានក្តីសង្ឃឹមដើម្បីទៅវគ្គបន្តបានឡើយ៕