កីឡា ៖ ក្រុមអ្នកមានបុណ្យ Barcelona ត្រូវបានផាកពិន័យចំពោះអាកប្បកិរិយារើសអើងជាតិសាសន៍ និងសកម្មភាពផ្សេងទៀតដោយអ្នកគាំទ្ររបស់ខ្លួនធ្វើនៅក្នុងការប្រកួត Champions League វគ្គ ១/៤ ផ្តាច់ព្រ័ត្រជើងទី១ នៅកីឡដ្ឋាន Paris St-Germain ។
បន្ថែមពីលើការរើសអើងជាតិសាសន៍ UEFA ក៏បានចោទប្រកាន់ Barca ជុំវិញអ្នកគាំទ្ររបស់ពួកគេដែលបាញ់កាំជ្រួច និងបណ្តាលឱ្យខូចខាតនៅកីឡដ្ឋាន Parc des Princes ។ ក្លឹបអេស្ប៉ាញនឹងត្រូវបង់ប្រាក់ពិន័យចំនួន ៣២,០០០ អឺរ៉ូ និងដាក់បម្រាមមិនឱ្យលក់សំបុត្រសម្រាប់ប្រកួតក្រៅដីពានអឺរ៉ុបពេញ ១ឆ្នាំផងដែរ។
លើសពីនេះទៀត ពួកគេត្រូវតែជួសជុលឱ្យបានរួចរាល់កន្លែងបាក់បែកនៅកីឡដ្ឋាន Parc des Princes ឱ្យបានមុនពេល Paris Saint-Germain ប្រកួតវគ្គ ៤ក្រុមចុងក្រោយទល់នឹង Borussia Dortmund ថែមទៀតផង៕