អាជ្ញាធរអ៊ីស្រាអែល នឹងមិនទទួលខុសត្រូវជាផ្លូវការចំពោះការវាយប្រហារលើអ៊ីរ៉ង់ សម្រាប់ហេតុផលយុទ្ធសាស្ត្រនោះទេ។ នេះបើយោងតាមកាសែត The Jerusalem Post ដែលដកស្រង់ប្រភពនៅក្នុងរដ្ឋាភិបាល និងសេវាកម្មសន្តិសុខរបស់ប្រទេសនេះ។
កាសែតដដែល បន្តថា ការវាយប្រហារមានទៅមានមក ពោលគឺអ៊ីស្រាអែល សងសឹកតាមរបៀបអ្វីដែលអ៊ីរ៉ង់ ធ្វើ ។
ទន្ទឹមនោះ កាសែត ក៏បានពន្យល់ថា អ៊ីស្រាអែល នឹងមិនទទួលខុសត្រូវចំពោះការវាយប្រហារនេះទេ ខណដែលទីក្រុងតេអេរ៉ង់ ហៅអ្វីដែលកើតឡើងថាជាការផ្ទុះរោងចក្រ ហើយចង់ជៀសវាងការកើនឡើងនៃភាពតានតឹង។
កាសែតនេះ បានបន្ថែមថា អ៊ីស្រាអែល ជឿជាក់ថា សហរដ្ឋអាមេរិក គួរតែនៅស្ងៀម ដើម្បីរក្សាសេចក្តីថ្លៃថ្នូរ និងជៀសវាងការកើនឡើងនៃស្ថានការណ៍។
គួរបញ្ជាក់ថា អ៊ីស្រាអែល បានបើកការវាយប្រហារដោយមីស៊ីលលើទីតាំងមួយក្នុងទឹកដីអ៊ីរ៉ង់ ខណនេះគឺជាការឆ្លើយតបចំពោះការវាយប្រហាររបស់អ៊ីរ៉ង់ កាលពីថ្ងៃទី ១៣ ខែមេសា ៕
