វ៉ាស៊ីនតោន៖ មន្ត្រីអាមេរិក បានលើកឡើងជាថ្មីម្តងទៀតនូវការព្រួយបារម្ភជាមួយសមភាគីអ៊ីស្រាអែល អំពីផែនការសម្រាប់ប្រតិបត្តិការយោធានៅក្នុងទីក្រុង Rafah ភាគខាងត្បូងហ្គាហ្សា ។
សេតវិមាន បានឲ្យដឹងថា អ្នកតំណាងនាយករដ្ឋមន្ត្រីអ៊ីស្រាអែល យល់ព្រមទទួលយកការព្រួយបារម្ភទាំងនេះ ។
អាមេរិក ក៏បានទទូចម្តងហើយម្តងទៀតថា អ៊ីស្រាអែល មិនត្រូវបើកការវាយលុកធំនៅក្រុង Rafah នោះទេ ខណជាទីតាំងបញ្ចៀសជនស៊ីវិលពីហ្គាហ្សា។
ទោះជាយ៉ាងណាក៏ដោយ អាមេរិក បានវេតូសេចក្តីសម្រេចរបស់អង្គការសហប្រជាជាតិ ដើម្បីផ្តល់ឋានៈជាសមាជិកពេញលេញដល់រដ្ឋប៉ាឡេស្ទីន។
ទន្ទឹមនោះ រដ្ឋមន្ត្រីការពារជាតិអាមេរិក លោក Lloyd Austin បាននិយាយ ទៅកាន់រដ្ឋមន្ត្រីការពារជាតិអ៊ីស្រាអែលលោក Yoav Gallant ដើម្បីពិភាក្សាអំពីការគំរាមកំហែងក្នុងតំបន់ និងសកម្មភាពអស្ថិរភាពរបស់អ៊ីរ៉ង់នៅមជ្ឈិមបូព៌ា ផងដែរ៕
