ការវាយប្រហាររបស់អ៊ីស្រាអែល លើអ៊ីរ៉ង់ បានកំណត់គោលដៅមូលដ្ឋានយោធានៅជិតទីក្រុង Isfahan ។ នេះបើយោងតាមកាសែត The New York Times ដែលដកស្រង់សម្តីមន្ត្រីអ៊ីរ៉ង់ ៣ នាក់មិនបញ្ចេញឈ្មោះ។
យោងតាមកាសែតខាងលើ បន្ថែមថា កងកម្លាំងអ៊ីរ៉ង់ បានកម្ទេចដ្រូនតូចៗជាច្រើនគ្រឿង នៅជិតទីក្រុង Tabriz ចម្ងាយប្រហែល ៨០០ គីឡូម៉ែត្រពីក្រុង Isfahan។
ទន្ទឹមនោះ មន្ត្រីអ៊ីស្រាអែល ២ នាក់ ក៏បានបញ្ជាក់ថា យោធាអ៊ីស្រាអែល ជាអ្នកនៅពីក្រោយការវាយប្រហារនេះ។
គួរបញ្ជាក់ថា អ៊ីរ៉ង់ បានបើកការវាយប្រហារដំបូង កាលពីថ្ងៃទី ១៣ ខែមេសា លើទឹកដីអ៊ីស្រាអែល ដែលជាការសងសឹកចំពោះការវាយប្រហារលើស្ថានកុងស៊ុលខ្លួនពីទីក្រុងយេរ៉ូសាឡឹម ក្នុងប្រទេសស៊ីរី៕
