កីឡា ៖ ក្លិបបាល់ទាត់ព្រះខ័នរាជស្វាយរៀង បានប្រកាសថា កីឡាករលេខ ១៤ សុក សំណាង បានសម្រេចចិត្ត ចូលនិវត្តន៍ពីអាជីពជាកីឡាករបាល់ទាត់។ សុក សំណាង ជាសមាជិកដ៏សំខាន់របស់ក្លិបតាំងពីឆ្នាំ ២០១០មក ហើយរូបគេបានចូលរួមចំណែកយ៉ាងធំធេងដល់ភាពជោគជ័យរបស់ក្លិបដោយបានជួយអោយក្លិប ទទួលបានពានរង្វាន់លីគកំពូលកម្ពុជា ៣លើក និង ពានរង្វាន់សម្តេចអគ្គមហាសេនាបតីតេជោ ហ៊ុនសែន ចំនួន៥លើកផងដែរ។
ក្លិបមានសេចក្តីសោមនស្សរីករាយសូមជម្រាបជូនថា សុក សំណាង នឹងបន្តជាផ្នែកមួយនៃក្លឹបបាល់ទាត់របស់ស្វាយរៀងនៅក្នុងការអភិវឌ្ឍន៍យុវជន ។ ក្លិបសូមថ្លែងអំណរគុណយ៉ាងជ្រាលជ្រៅចំពោះ សុក សំណាង ចំពោះការលះបង់សម្រាប់ក្លិប សូមជូនពរឱ្យគាត់ជួបតែសំណាងល្អ និងជោគជ័យគ្រប់ភារៈកិច្ច។