ទីក្រុងប៉េកាំង បានដាក់ទណ្ឌកម្មពាណិជ្ជកម្មលើក្រុមហ៊ុនផលិតសព្វាវុធរបស់សហរដ្ឋអាមេរិកចំនួន ៣ បន្ទាប់ពីផ្គត់ផ្គង់អាវុធឱ្យទៅកោះតៃវ៉ាន់ កាលពីដើមសប្ដាហ៍នេះ ដើម្បីការពារអធិបតេយ្យភាពជាតិ។ នេះបើយោងតាមសេចក្តីថ្លែងការណ៍របស់ក្រសួងពាណិជ្ជកម្មចិន។
នាយកប្រតិបត្តិមកពីក្រុមហ៊ុន General Atomics Aeronautical Systems, General Dynamics Land Systems, និង Boeing Defense, Space, and Security នឹងត្រូវហាមឃាត់មិនឱ្យចូលទៅក្នុងប្រទេសចិន ហើយនឹងរារាំងកិច្ចព្រមព្រៀងនាំចូល នាំចេញ ទាំងអស់ផងដែរ។
គួរបញ្ជាក់ថា ប្រទេសចិន តែងតែចាប់ទុកកោះតៃវ៉ាន់ ថាជាផ្នែកមួយនៃទឹកដីខ្លួន ពោលគឺជារឿយៗបញ្ជូនកម្លាំងយោធាមកល្បាត ជុំវិញកោះនេះ ៕
