សមាជិកសភាអាមេរិកមួយក្រុម បានអំពាវនាវទៅកាន់រដ្ឋមន្ត្រីការពារជាតិ លោក Lloyd Austin ដោយស្នើលោក អនុញ្ញាតឱ្យអ៊ុយក្រែនវាយប្រហារទឹកដីរុស្ស៊ី ដោយប្រើអាវុធដែលក្រុងវ៉ាស៊ីនតោន ផ្គត់ផ្គង់។
លិខិតដែល បានចេញផ្សាយ កាលពីថ្ងៃអង្គារធ្វើឡើងបន្ទាប់ពីកិច្ចប្រជុំរវាងសមាជិកសភា និងក្រុមសមាជិកសភាអ៊ុយក្រែនមួយក្រុមដែល បានធ្វើទស្សនកិច្ចនៅក្រុងវ៉ាស៊ីនតោន កាលពីសប្តាហ៍មុន។
សំណើនេះគឺជំរុញលោក Austin អនុញ្ញាតឱ្យអ៊ុយក្រែន ប្រើប្រាស់អាវុធដែលផ្តល់ដោយសហរដ្ឋអាមេរិក ដើម្បីវាយប្រហារគោលដៅយុទ្ធសាស្ត្រនៅក្នុងទឹកដីរុស្ស៊ី ក្នុងកាលៈទេសៈជាក់លាក់។
កាលពីសប្តាហ៍មុន អ្នកនាំពាក្យក្រសួងការពារជាតិអាមេរិក លោកស្រី Sabrina Singh បានរំលឹកឡើងវិញនូវគោលជំហររបស់មន្ទីរបញ្ចកោណ ដែលថា សព្វាវុធអាមេរិកអាចដាក់ពង្រាយដើម្បីដណ្តើមយកទឹកដីអធិបតេយ្យភាពអ៊ុយក្រែនមកវិញ មិនសំដៅទៅលើប្រទេសរុស្ស៊ីនោះទេ៕
