នាព្រឹកថ្ងៃទី៦ ខែកុម្ភៈ ឆ្នាំ២០២៣ អគ្គនាយកដ្ឋានសហគមន៍មូលដ្ឋាន សហការជាមួយមន្ទីរបរិស្ថានខេត្តមណ្ឌលគិរី គាំទ្រដោយអង្គការ WWF និងអង្គការដៃគូពាក់ព័ន្ធ បានរៀបចំវគ្គបណ្ដុះបណ្ដាលស្ដីពី ការគ្រប់គ្រងសហគមន៍តំបន់ការពារធម្មជាតិ ដល់ក្រុមប្រឹក្សាឃុំ-សង្កាត់ និងការិយាល័យកសិកម្ម ធនធានទឹក និងបរិស្ថាន នៃរដ្ឋបាលក្រុងស្រុក ស្ថិតក្នុងភូមិសាស្ត្រខេត្តមណ្ឌលគិរី ក្រោមអធិបតីភាព លោកជំទាវ ម៉ុម ថានី រដ្ឋលេខាធិការក្រសួងបរិស្ថាន និងមានការអញ្ជេីញចូលរួមពី ឯកឧត្ដម ងិន សុវិមាន អភិបាលរង នៃគណៈអភិបាលខេត្តមណ្ឌលគិរី នៅសណ្ឋាគាពេជ្រដា ខេត្តមណ្ឌលគិរី។
វគ្គបណ្ដុះបណ្ដាលនេះធ្វេីឡេីងក្នុងគោលបំណង ពង្រឹងសមត្ថភាពលេីកិច្ចការងារគ្រប់គ្រងសហគមន៍តំបន់ការពារធម្មជាតិ សំដៅសហការគ្នាពីគ្រប់ភាគីពាក់ព័ន្ធលើការងារអភិរក្សធនធានធម្មជាតិ ពិសេសជួយលេីកកម្ពស់ជីវភាពរបស់ប្រជាសហគមន៍ ដែលក្រសួងបរិស្ថានបានប្រតិភូកម្មមុខងារជូនរដ្ឋបាលថ្នាក់ក្រោមជាតិ៕