កីឡា ៖ កីឡាករគុនខ្មែរ ព្រំ សំណាង បានត្រលប់មកដល់ប្រទេសកម្ពុជាវិញហើយនៅថ្ងៃនេះ ក្រោយប្រើពេលត្រឹមតែ១នាទី៥៦វិនាទីប៉ុណ្ណោះ ដើម្បីផ្ដួលកីឡាករជនជាតិអង់គ្លេស Thomas Capenter ឲ្យសន្លប់ទឹកទី១ លើប្រភេទទម្ងន់ ៧៨គីឡូក្រាម កាលពីថ្ងៃទី៥ ខែកុម្ភៈ ឆ្នាំ២០២៣ នៅសង្វៀនថៃហ្វៃ នាទីក្រុងបាងកក ប្រទេសថៃ។
បន្ទាប់ពីមកកម្ពុជាវិញ កីឡាករ ព្រំ សំណាង បាននិយាយថា ការវា«យយកឈ្នះដោយសន្លប់កាលពីម្សិលមិញ បានធ្វើឲ្យអ្នកគ្រប់គ្រងកម្មវិធីថៃមិនសូវសប្បាយចិត្តនោះទេ។
ជាមួយគ្នានោះដែល ព្រំ សំណាង បានបន្តថា«ខ្ញុំមិននឹកស្មានដល់ថាមានបងប្អូនខ្មែរយើងស្រលាញ់ និង គាំទ្រ Kun Khmer ខ្លាំងដល់ថ្នាក់នេះសោះ តាំងពីចាប់អាជីពជាកីឡាករប្រដាល់មកខ្ញុំមិនដែលនឹកស្មានដល់ថាជីវិតខ្ញុំមានថ្ងៃនេះទេ ខ្ញុំសូមអរគុណបងប្អូនខ្មែរយើងទាំងអស់ដែលបានគាំទ្រ និង ឧបត្ថម្ភដល់រូបខ្ញុំ ខ្ញុំនឹងព្យាយាមឲ្យអស់ពីសមត្ថភាពសម្រាប់ប្រកួតបន្តបន្ទាប់ទៀតដើម្បីមុខមាត់ Kun Khmer យើង៕
