អនុប្រធានាធិបតីអាមេរិក លោកស្រី Kamala Harris បានប្រាប់នាយករដ្ឋមន្ត្រីអ៊ីស្រាអែល លោក Benjamin Netanyahu ថា ត្រូវតែចាប់ផ្ដើមកិច្ចព្រមព្រៀងឈប់បាញ់ជាមួយចលនារ៉ាឌីកាល់ប៉ាឡេស្ទីនហាម៉ាស ឱ្យឆាប់តាមដែលអាចធ្វើទៅបាន ។
លោកស្រី បានប្រាប់អ្នកយកព័ត៌មានថា ខ្ញុំទើបតែបានជួបជាមួយលោកនាយករដ្ឋមន្ត្រី Netanyahu ហើយខ្ញុំសម្តែងការព្រួយបារម្ភយ៉ាងខ្លាំងអំពីទំហំនៃការរងទុក្ខរបស់ប្រជាជននៅហ្គាហ្សា រួមទាំងការស្លាប់របស់ជនស៊ីវិលស្លូតត្រង់ជាច្រើនផងដែរ ។
លោកស្រី Harris បន្តថា ខ្ញុំក៏បានបញ្ជាក់យ៉ាងច្បាស់ពីកង្វល់ដ៏ធ្ងន់ធ្ងររបស់ខ្ញុំអំពីស្ថានភាពមនុស្សធម៌នៅទីនោះ ដែលមានមនុស្សជាង ២ លាននាក់ប្រឈមមុខនឹងអសន្តិសុខស្បៀងកម្រិតខ្ពស់ ហើយមនុស្សកន្លះលាននាក់ប្រឈមមុខនឹងគ្រោះមហន្តរាយកម្រិតអសន្តិសុខស្បៀងធ្ងន់ធ្ងរ ។
ទន្ទឹមនោះ លោកស្រី បានសម្តែងការគាំទ្រចំពោះផែនការបទឈប់បាញ់ដែលដាក់ចេញដោយប្រធានាធិបតីអាមេរិក លោក Joe Biden ។
ក្នុងពេលជាមួយគ្នានេះដែរ អនុប្រធានាធិបតីអាមេរិក បានរំលឹកឡើងវិញនូវការគាំទ្ររបស់លោកស្រី ចំពោះដំណោះស្រាយរដ្ឋពីរនៃជម្លោះអ៊ីស្រាអែល និងប៉ាឡេស្ទីន ផងដែរ៕
