សេចក្តីរាយការណ៍ពីសារព័ត៌មាន BeIN Sport បានឲ្យដឹងថា ខ្សែប្រយុទ្ធប្រេស៊ីល Neymar នឹងវិលត្រលប់មកកាន់ទីលានវិញ នាថ្ងៃទី២១ ខែតុលា ឆ្នាំ២០២៤ ដែលក្រុម Al Hilal ប្រកួតទល់នឹង Al Ain សម្រាប់ពានរង្វាន់ AFC Champions League។
Neymar បានត្រលប់មកហ្វឹកហាត់ជាមួយ Al Hilal វិញកាលពីថ្ងៃទី ២៩ ខែកញ្ញា។ ហើយប្រភពជាច្រើនជឿជាក់ថា Neymar នឹងជាសះស្បើយទាន់ពេល សម្រាប់ការប្រកួត Asian Champions League របស់ Al Hilal ជាមួយក្រុម Al Ain នៅថ្ងៃទី ២១ ខែតុលា ឆ្នាំ២០២៤ ។
សូមជម្រាបថា Neymar ដែលមានវ័យ ៣២ ឆ្នាំបានសម្រាកព្យាបាលរបួសសរសៃពួរជង្គង់ ACL អស់រយៈពេល ១០ ខែហើយ បន្ទាប់ពីរូបគេជួបនូវបញ្ហាខាងលើនេះ អំទ្បុងពេលប្រកួតទល់នឹងអ៊ុយរ៉ាហ្កាយ កាលពីខែតុលា ឆ្នាំមុន៕
