លោក EMMANUEL LIBANO គ្រូបង្វឹកក្រុមជម្រើសជាតិម៉ាកាវ បានលើកឡើងនៅក្នុងសន្និសីទកាសែត ក្រោយពីបញ្ចប់ការប្រកួតថា ទោះបីជាចាញ់កម្ពុជា ១-០ ក៏ពិតមែន តែលោក ថាមិនដែលឃើញក្រុមរបស់លោកធ្វើល្អយ៉ាងនេះទេ ប៉ុន្តែនៅមានចំណុច ដែលខ្វះខាត គឺប្រហែលជាអាចមិនទាន់ស៊ាំនឹងអាកាសធាតុ។
លោកបានបន្តថា សម្រាប់ខ្ញុំយល់ឃើញថាកូនរបស់ខ្ញុំធ្វើបានល្អ ដែលខ្ញុំមិនធ្លាប់បានឃើញ ប៉ុន្តែនៅនៅមានចំណុចខ្វះខាត គឺប្រហែលជាអាចមិនទាន់ស៊ាំនឹងអាកាសធាតុ។ ទោះបីជាខ្ញុំសល់កីទ្បាករ ១០នាក់ក៏ដោយ ប៉ុន្តែពួកគេព្យាយាមលេងរហូតដល់នាទីទីចុងក្រោយ។ ដូច្នេះហើយ ពួកយើងត្រូវការពេលបន្ថែមទៀត ដើម្បីស៊ាំនឹងការប្រកួត»។
សូមជម្រាបថា ឆ្លងកាត់២ប្រកួតក្នុងវគ្គជម្រុះនៃពានរង្វាន់ AFC U17 Asian Cup 2025 Qualifiers Group B ក្រុមម៉ាកាវ ចាញ់ទាំង២ប្រកួត ពោលគឺចាញ់ហ្វីលីពីន ៧-០ និងចាញ់កម្ពុជា ១-០ ដោយឈរនៅបាតតារាងក្នុងពូល៕