កីឡា ៖ ខ្សែប្រយុទ្ធប្រេស៊ីល Neymar បានបង្ហាញខ្លួនជាលើកដំបូងឲ្យក្រុម Al-Hilal ក្នុងរយៈពេលជាងមួយឆ្នាំ បន្ទាប់ពីបានជាសះស្បើយពីការវះកាត់ជង្គង់។
Neymar បានរងរបួសជង្គង់នៅថ្ងៃទី ១៧ ខែតុលាឆ្នាំ ២០២៣ ខណៈពេលដែលលេងឱ្យប្រេស៊ីលក្នុងការប្រកួតជម្រុះ World Cup 2026 ជាមួយអ៊ុយរូហ្គាយ។
យ៉ាងណាមិញកីឡាករវ័យ ៣២ ឆ្នាំរូបនេះបានចូលលេងនៅនាទីទី ៧៧នៃជ័យជម្នះ ៥-៤ របស់ក្រុម Al-Hilal លើក្រុម Al-Ain កាលពីយប់មិញនៅពានប្រចាំទ្វីបអាស៊ី AFC Champions League 2024-2025 បន្ទាប់ពីបានជាសះស្បើយពីការវះកាត់ជង្គង់។
Neymar បានផ្លាស់ទៅលេងនៅលីគកំពូល Pro League របស់អារ៉ាប៊ីសាអូឌីត ជាមួយនឹងតម្លៃខ្លួន ៩០លានអឺរ៉ូពីក្លិបបារាំង Paris Saint Germain នាអំឡុងខែសីហា ឆ្នាំ២០២៣ បន្ទាប់ពីអវត្តមានច្រើនខែ ក្នុងចំណោម ២រដូវកាលចុងក្រោយដោយសាររបួសកជើងនៅក្នុងក្លិប PSG។
ការផ្លាស់ទៅលេងនៅអារ៉ាប៊ីសាអូឌីត រូបគេទើបតែលេងបាន ៥ប្រកួតប៉ុណ្ណោះ មុនពេលរងរបួសជង្គង់ខាងឆ្វេងជាទម្ងន់ថែមទៀត៕
