ខេត្តស្វាយរៀង ៖ រដ្ឋបាលខេត្តស្វាយរៀងបានសម្តែងក្តីរន្ធត់និងសោកស្តាយបំផុតចំពោះមរណភាពដោយកូវីដ១៩ចំនួន២នាក់កាលពីថ្ងៃទី០៨ ខែកក្កដា ឆ្នាំ២០២១ កន្លងទៅ ហើយបានបញ្ជាក់យ៉ាងច្បាស់ពីហានិភ័យដ៏កាចសាហាវដល់អាយុជីវិតបងប្អូនប្រជាពលរដ្ឋខេត្តស្វាយរៀងក៏ដូចមនុស្សទូទៅក្នុងព្រះរាជាណាចក្រកម្ពុជាផងដែរ ។
រដ្ឋបាលបាលខេត្តសូមចូលរួមរំលែកទុក្ខជាមួយក្រុមគ្រួសារ ដែលបានបាត់បង់សមាជិកគ្រួសារដោយសារជំងឺកូវីដ-១៩។
សូមបងប្អូនប្រជាពលរដ្ឋសូមបង្កើនការប្រុងប្រយ័ត្នចំពោះសុខភាពផ្ទាល់ខ្លួន ក៏ដូចជាក្រុមគ្រួសារ ដោយគោរពឱ្យបានខ្ជាប់ខ្ជួនវិធានការសុខាភិបាល ជាពិសេស អនុវត្ត ៣កុំ និង ៣ការពារ។
សូមជម្រាបថា ពលរដ្ឋ២នាក់ដែលស្លាប់ដោយកូវីដ១៩នៅខេត្តស្វាយរៀងនោះគឺទី១/ឈ្មោះ ម៉ា យ៉ន ភេទស្រី រស់នៅភូមិត្រពាំងត្រាច ឃុំស្វាយតាយាន ស្រុកកំពង់រោទ៍ ខេត្តស្វាយរៀង។ទី២/ឈ្មោះតឹង បុប្ផា ភេទស្រី រស់នៅតាបឹប សង្កាត់បាវិត ក្រុងបាវិត ខេត្តស្វាយរៀង ៕
