បាងកក៖ ក្រសួងសុខាភិបាលថៃបានប្រកាសនៅព្រឹកថ្ងៃអង្គារនេះថាប្រទេសថៃបានរកឃើញករណីឆ្លងថ្មីនៃជំងឺកូវីដ ១៩ ចំនួន ៦.៩០៤ ករណី និងមានអ្នកស្លាប់ចំនួន ៦១ នាក់បន្ថែមទៀតក្នុងរយៈពេល ២៤ ម៉ោងមុននេះ។
ដោយឡែក នៅថ្ងៃច័ន្ទម្សិលមិញអ្នកជំងឺកូវីដ -១៩ ចំនួន ៨.០២៤ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។
គួរបញ្ជាក់ថា (.ភ្នំពេញថ្មី.) ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៩៥៣.៦៣២ នាក់ដែលក្នុងនោះ ១.៨៣៨.០៦១ នាក់បានជាសះស្បើយ។ ចំណែកចំនួនអ្នកស្លាប់មានចំនួន ១៩.៦៧០ នាក់ក្នុងកំឡុងពេលរលកទី ៣ និង ១៩.៧៦៤ នាក់ចាប់តាំងពីការចាប់ផ្តើមនៃជំងឺរាតត្បាតនេះ៕
ប្រភព៖ Bangkok Post
