តូក្យូ៖ នាយករដ្ឋមន្ត្រី លោក Fumio Kishida បានប្រាប់អ្នកយកព័ត៌មានថា ជប៉ុន ជឿថា មីស៊ីលមួយក្នុងចំណោមមីស៊ីលទាំង ៣ គ្រាប់ ដែលកូរ៉េខាងជើងបាញ់ នៅថ្ងៃនេះ អាចជាប្រភេទអន្តរទ្វីប។
លោក Kishida បាននិយាយថា យើងនឹងបានបើកកិច្ចប្រជុំនៃក្រុមប្រឹក្សាសន្តិសុខជាតិ ហើយវាអាចទៅរួចដែលថា មីស៊ីលដំបូងដែលកូរ៉េខាងជើង បាញ់បង្ហោះគឺអន្តរទ្វីប។
យោងតាមក្រសួងការពារជាតិជប៉ុន បានបញ្ជាក់ថា មីស៊ីលទាំងនោះហោះបានចម្ងាយ ៧៥០ គីឡូម៉ែត្រ ដោយឈានដល់កម្ពស់ហោះហើរអតិបរមា ២.០០០ គីឡូម៉ែត្រ ដោយបន្ថែមថា មីស៊ីលនោះ បានហោះលើទឹកដីរបស់ប្រទេសជប៉ុន ហើយបានធ្លាក់ចូលមហាសមុទ្រប៉ាស៊ីហ្វិក។
ក្រសួងដដែល បន្តថា មីស៊ីល ២ គ្រាប់ ផ្សេងទៀតត្រូវបានបាញ់មួយម៉ោង បន្ទាប់ពីគ្រាប់ទីមួយ ដោយហោះហើរក្នុងចម្ងាយប្រហែល ៣៥០ គីឡូម៉ែត្រ ក្នុងកម្ពស់អតិបរមា ៥០ គីឡូម៉ែត្រ ហើយបានធ្លាក់នៅសមុទ្រជប៉ុនផងដែរ៕