ប៉េកាំង៖ ប្រព័ន្ធផ្សព្វផ្សាយរដ្ឋ បានរាយការណ៍ថា មនុស្ស ៤៧ នាក់ កប់ក្រោមគំនរដី បន្ទាប់ពីគ្រោះបាក់ដីកើតឡើងក្នុងតំបន់ដាច់ស្រយាល និងភ្នំនៃភាគនិរតីនៃប្រទេសចិន នៅថ្ងៃចន្ទនេះ។
ទីភ្នាក់ងារព័ត៌មានរដ្ឋ Xinhua បានរាយការណ៍ ដោយដកស្រង់សម្តីអាជ្ញាធរក្នុងតំបន់ថា ការរអិលបាក់ដី នៅព្រឹកព្រលឹម បានវាយប្រហារតំបន់ Zhenxiong ក្នុងខេត្ត Yunnan ដោយបន្ថែមថា ហើយមនុស្សជាង ២០០ នាក់ត្រូវបានជម្លៀសជាបន្ទាន់ ចេញពីតំបន់នោះ។
យោងតាមទូរទស្សន៍ CCTV បានឱ្យដឹងថា ភ្លាមៗ អាជ្ញាធរ បានចាប់ផ្តើមការឆ្លើយតបជាបន្ទាន់មួយ ដោយដាក់ពង្រាយអ្នកជួយសង្គ្រោះជាង ២០០ នាក់ ទៅកាន់ទីនោះ។
គួរបញ្ជាក់ថា ហេតុការណ៍នេះ អាជ្ញាធរ មិនទាន់បញ្ជាក់ថា មានអ្នកស្លាប់ ឬយ៉ាងណានៅឡើយនោះទេ៕
