ប៉ៃលិន៖ គណៈប្រតិភូ ប្រជុំវាយតម្លៃ និងដាក់ចំណាត់ថ្នាក់នាយកសាលាល្អ ឆ្នាំសិក្សា២០២២-២០២៣ នៅវិទ្យាល័យ ហ៊ុន សែន ក្រុងទេពនិម្មិតប៉ៃលិន ដើម្បីទទួលបានពានរង្វាន់ “សម្តេចតេជោសែន”។ សូមបញ្ជាក់ថា ក្នុងដំណើរការដាក់ចំណាត់ថ្នាក់នាយកសាលាល្អ គិតចាប់ពីថ្ងៃទី០២ ដល់ថ្ងៃទី០៩ ខែកុម្ភៈ ឆ្នាំ២០២៤ រួមមាន៖ ខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តប៉ៃលិន ខេត្តកំពង់ចាម ខេត្តត្បូងឃ្មុំ ខេត្តសៀមរាប ខេត្តព្រះសីហនុ ខេត្តតាកែវ និងខេត្តកណ្តាល ។
ការផ្តល់ពានរង្វាន់នាយកសាលាល្អ និងគ្រូបង្រៀនល្អ គឺជាកត្តាគន្លឹះសំខាន់ក្នុងគោលដៅលើកទឹកចិត្តនាយកសាលា និងគ្រូបង្រៀន ខិតខំបំពេញការងារ លើកកម្ពស់ការអប់រំ ជាផ្នែកមួយក្នុងកំណែទម្រង់វិស័យអប់រំ ដែលការធ្វើកំណែទម្រង់នេះដើម្បីចូលរួមចំណែកដល់ការសម្រេចនូវគោលដៅរបស់រាជរដ្ឋាភិបាលក្នុងការប្រែក្លាយកម្ពុជាជាប្រទេសមានប្រាក់ចំណូលមធ្យមកម្រិតខ្ពស់ឆ្នាំ ២០៣០ និងប្រទេសអភិវឌ្ឍឆ្នាំ ២០៥០៕
