CNN បានរាយការណ៍ថា អតីតប្រធានាធិបតីអាមេរិក លោក Donald Trump ត្រូវបានដកឈ្មោះចេញពីសន្លឹកឆ្នោតបឋមនៅក្នុងរដ្ឋ Illinois ។
ការសម្រេចចិត្តដែលចេញដោយចៅក្រម លោក Tracie R. Porter គឺផ្អែកលើផ្នែកទី ៣ នៃវិសោធនកម្មលើកទី ១៤ នៃរដ្ឋធម្មនុញ្ញសហរដ្ឋអាមេរិក។ វិសោធនកម្មនេះ គឺហាមប្រាមអ្នកដែលស្បថថានឹងគាំទ្ររដ្ឋធម្មនុញ្ញ ហើយមិនឲ្យចូលរួមក្នុងការបះបោរណាមួយនោះទេ។
វិសោធនកម្មនេះត្រូវបានផ្តល់សច្ចាប័ន បន្ទាប់ពីសង្គ្រាមស៊ីវិលឆ្នាំ ១៨៦១-៦៥ ក្នុងគោលបំណងរឹតបន្តឹងសិទ្ធិរបស់អ្នកនយោបាយមកពីភាគខាងត្បូង។ ទោះជាយ៉ាងណា សេចក្តីសម្រេចនេះត្រូវបានគេទុកឲ្យរង់ចាំការប្តឹងឧទ្ធរណ៍។
គួរបញ្ជាក់ថា កាលពីចុងខែមករា កន្លងទៅ ក្រុមប្រឹក្សាបោះឆ្នោតរដ្ឋ Illinois ធ្លាប់បានបដិសេធជាឯកច្ឆ័ន្ទចំពោះចលនាទាមទារឱ្យដកឈ្មោះ លោក Trump ចេញពីសន្លឹកឆ្នោតផងដែរ៕
