សាលាមធ្យមវិចិត្រសិល្ប:បានរៀបចំពិធីស្រង់ព្រះ និងកម្មវិធីផ្សេងៗក្នុងពិធីបុណ្យចូលឆ្នាំថ្មីប្រពៃណីជាតិខ្មែរ ក្រោមវត្តមាន លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ។
ក្រៅពីពិធីស្រង់ព្រះ ក៏មានការរៀបចំពិធីស្រង់ទឹកជូនព្រឹទ្ធាចារ្យចាស់ៗ ដែលជាសាស្ត្រាចារ្យ វីរសិល្បករ សរុបប្រមាណចំនួន៧០រូបផងដែរ។
ពិធីនោះក៏មានការរៀបចំស្តង់ពិព័រណ៍សាលាជំនាញទាំង៥ ស្តង់ទទួលការបរិច្ចាគសៀវភៅ នៃការិយាល័យបណ្ណាល័យ ព្រមទាំងស្តង់សិប្បកម្មនានាដែលបានរៀបចំតាំងបង្ហាញនៅក្នុងកម្មវិធី ព្រមទាំងបានចូលរួមរីករាយកម្សាន្ត ប្រកបដោយភាពស្និទ្ធស្នាល ស្នាមញញឹម ជាមួយមហាជននិងសិស្សបន្តវេនផ្នែកសិល្ប: វប្បធម៌ នៅសាលាមធ្យមវិចិត្រសិល្បៈ ដើម្បីអបអរសាទរពិធីបុណ្យចូលឆ្នាំថ្មី ប្រពៃណីជាតិយើង។
សូមបញ្ជាក់ជូនថា សាលាមធ្យមវិចិត្រសិល្ប: ដែលបានប្រារព្ធកម្មវិធីនេះទ្បើង ដើម្បីជាការអបអរសាទរពិធីបុណ្យចូលឆ្នាំថ្មី ប្រពៃណីជាតិ និងដើម្បីបង្កើនការផ្សព្វផ្សាយ និងការយល់ដឹងពីសិល្បៈវប្បធម៌ដល់សាធារណជនទូទៅ ក៏ដូចជាដើម្បីបង្ហាញអំពីការបង្ហាត់បង្រៀនរបស់លោកគ្រូអ្នកគ្រូ និងការហាត់រៀនរបស់សិស្សានុសិស្ស៕