ប្រធានាធិបតីរុស្ស៊ី លោក វ្ល៉ាឌីមៀ ពូទីន និងប្រមុខនៃសាធារណរដ្ឋប្រជាមានិត Donetsk និង Lugansk និងតំបន់ Zaporozhye និង Kherson បានចុះហត្ថលេខាលើសន្ធិសញ្ញាស្តីពីការបង្រួបបង្រួមទឹកដីទាំងនេះជាមួយរុស្ស៊ី។
ពិធីនេះបានធ្វើឡើងកាលពីថ្ងៃសុក្រនៅក្នុងសាលធំ St. George’s Hall នៃវិមានក្រឹមឡាំង។ មុនពេលចុះហត្ថលេខាលើឯកសារប្រវត្តិសាស្ត្រ លោកពូទីនបានថ្លែងសុន្ទរកថាអំពីទឹកដីទាំងនេះចូលរួមជាមួយរុស្ស៊ីផងដែរ រួមទាំងការប្តេជ្ញាចិត្តការពារតំបន់នេះ ដែលមិនមានការឈ្លានពានដាច់ខាត។
តុចំនួនពីរត្រូវបានរៀបចំឡើងនៅក្នុងសាលសម្រាប់ពិធីចុះហត្ថលេខា។ នៅក្នុងចំណោមពួកគេបានអង្គុយជាប្រធាននៃតំបន់ទាំងបួន ដែលបានចូលទៅចុះហត្ថលេខាជាបន្បន្ទាប់លើឯកសារដ៏មានសារសំខាន់នេះ។ ចំណែកលោកពូទីនបានអង្គុយនៅតុផ្សេងទៀត – គាត់បានយល់ព្រមលើសន្ធិសញ្ញាក្នុងនាមសហព័ន្ធរុស្ស៊ី។
បន្ទាប់មក អ្នកនយោបាយទាំងអស់នោះបានក្រោកឈរឡើង ហើយប្រមូលផ្តុំគ្នានៅកណ្តាលបន្ទប់ ដើម្បីចាប់ដៃគ្នា និងថតរូបជុំគ្នា។
សាល St. George’s ទាំងមូល ជាកន្លែងដែលថ្នាក់ដឹកនាំនយោបាយទាំងមូលរបស់ប្រទេស រួមទាំងគណៈរដ្ឋមន្ត្រី និងអភិបាលខេត្ត បានប្រមូលផ្តុំគ្នាអបអរសាទរពួកគេ ហើយបានក្រោកពីកៅអី អ្នកចូលរួមពិធីចាប់ផ្តើមអបអរសាទរ និងស្រែកថា “រុស្ស៊ីៗៗ”។ ពូទីនញញឹម លើកទឹកចិត្តពួកគេ ហើយបានចូលរួមច្រៀងថែមទៀត៕
