ខេត្តរតនគិរី៖ ពិធីបុណ្យចូលឆ្នាំប្រពៃណីចិន~វៀតណាមរយ:ពេល៣ថ្ងៃករណីគ្រោះថ្នាក់ចរាចណ៍មានការថយចុះខណ:ប្រជាពលរដ្ឋមានការយល់ដឹងយ៉ាងច្រើន បញ្ហាក្នុងការបើកបរនៅលើដងផ្លូវជាតិ។
ប៉ុន្តែអ្នកបើកបរមួយចំនួនតូចនៅមិនទាន់យល់ដឹងអំពីច្បាប់ចរាចរណ៍ផ្លូវគោកនៅឡើយទេ ពោល គឺនៅពេលកំពុងបើកបរដៃកាន់មើលទូរស័ព្ទ ហើយពេលបត់ឆ្វេង,ស្តាំមិនបានកាច់ភ្លើងស៉ីញូនោះឡើយ ជាកត្តាដែលផ្តើមចេញពីអ្នកបើកបរមិនគោរពច្បាប់ចរាចរណ៍ទាំងនេះ។
គួរបញ្ជាក់ផងដែរថា យោងតាមរបាយការណ៍របស់ការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តបានឲ្យដឹងថា ពិធីបុណ្យចូលឆ្នាំចិននិងវៀតណាមរយ:ពេល៣ថ្ងៃចាប់ពីថ្ងៃទី៩ដល់ថ្ងៃទី១១ ខែកុម្ភៈ ឆ្នាំ២០២៤ គ្រោះថ្នាក់ចរាចរណ៍កើតឡើង០១ករណី ម៉ូតូបុកនិងម៉ូតូបណ្តាលឲ្យមនុស្សរងរបួសធ្ងន់ម្នាក់និងស្រាល២នាក់ រីឯមធ្យោបាយទាំងសងខាងបានរងការខូចខាតផងដែរ។
របាយការណ៍បានបញ្ជាក់ថា បើប្រៀបធៀបនិងឆ្នាំ២០២៣ដូចគ្នា
ករណីគ្រោះថ្នាក់ចរាចរណ៍ ថយចុះ០២លើក
-មនុស្សស្លាប់ ថយចុះចំនួន០២នាក់
-មនុស្សរបួសធ្ងន់ ថយចុះចំនួន០១នាក់
-មនុស្សរបួសស្រាល កើនឡើងចំនួន០១នាក់។
ទន្ទឹមហ្នឹងការថយចុះករណីគ្រោះថ្នាក់ចរាចរណ៍នាបុណ្យចូលឆ្នាំចិន~វៀតណាម មន្ត្រីនគរបាលចរាចរណ៍នៃស្នងការដ្ឋាននគរបាលខេត្តរតនគីរី បានអំពាវនាវដល់បងប្អូនដែលប្រើប្រាស់ទោចក្រយានយន្តនិងយានយន្ត មេត្តាបើកបរមានការប្រុងប្រយ័ត្ន កុំវ៉ាជែងត្រង់ចំណុចផ្លូវគ្រោះថ្នាក់(កែង)ពេលបើកបរកុំផ្ទុកគ្រឿងស្រវឹងជាប់នឹងខ្លួនជៀសវាងមានហានិភ័យដល់អ្នកដទៃ៕
