កីឡា ៖ ក្លិប Paris Saint-Germain បានដាក់ឈ្មោះខ្សែប្រយុទ្ធអង់គ្លេស Marcus Rashford របស់ក្លិប Manchester United គឺជាកីឡាករកំពូលក្នុងបញ្ជីសម្រាំង ដើម្បីនាំយកមកជំនួសតំណែងខ្សែប្រយុទ្ធបារាំង Kylian Mbappe ដែលនឹងចាកចេញនៅចប់រដូវកាលនេះ។
យោងតាមរបាយការណ៍ពីកាសែត The Times បានរាយការណ៍ថា ទីប្រឹក្សាបាល់ទាត់របស់ PSG លោក Luis Campos បានដាក់ឈ្មោះ Rashford ជាអ្នកជំនួសតំណែង Mbappe ហើយតាមទស្សនៈយុទ្ធសាស្ត្រ ខ្សែប្រយុទ្ធអង់គ្លេសវ័យ២៦ឆ្នាំរូបនេះមានសមត្ថភាពដូចគ្នានឹង Mbappe ដើម្បីបំពេញផ្នែកខាងស្តាំនៃតំបន់ខ្សែប្រយុទ្ធរបស់ PSG។
PSG ទំនងត្រូវចាយលុយច្រើនដើម្បីនាំយក Rashford ដែលទើបតែបន្តកុងត្រាថ្មីជាមួយ Man United កាលពីរដូវកាលមុន មកកាន់ទឹកដី Parc des Princes ខណៈដែលកុងត្រាថ្មីរបស់គេមានសុពលភាពរហូតដល់ចុងខែមិថុនា ឆ្នាំ២០២៨៕
