លោក Donald Trump កាលពីថ្ងៃព្រហស្បតិ៍ បានស្តីបន្ទោសប្រធានាធិបតីអ៊ុយក្រែន លោក Volodymyr Zelenskyy ចំពោះការចាប់ផ្តើមសង្រ្គាមរបស់ប្រទេសនោះជាមួយរុស្ស៊ី ។
លោក Trump ទំនងជានឹងផ្លាស់ប្តូរនូវគោលនយោបាយរបស់សហរដ្ឋអាមេរិក ចំពោះអ៊ុយក្រែន ប្រសិនបើលោក ឈ្នះការបោះឆ្នោតថ្ងៃទី ៥ ខែវិច្ឆិកា។
អតីតប្រធានាធិបតីនៃគណបក្សសាធារណរដ្ឋរូបនេះ បានរិះគន់លោក Zelenskyy ជារឿយៗ សម្រាប់ការស្នើសុំជំនួយយោធាអាមេរិក រាប់ពាន់លានដុល្លារ ចាប់តាំងពីសង្រ្គាមផ្ទុះឡើងក្នុងឆ្នាំ ២០២២ ។
លោក Trump ក៏បានថ្កោលទោសមេដឹកនាំអ៊ុយក្រែនចំពោះការបរាជ័យក្នុងការស្វែងរកសន្តិភាពជាមួយទីក្រុងមូស្គូ ។
លើសពីនេះទៅទៀត លោក ស្នើអ៊ុយក្រែនបើអាចប្រគល់ដីខ្លះរបស់ខ្លួនទៅឱ្យរុស្ស៊ី ដើម្បីធ្វើកិច្ចព្រមព្រៀងសន្តិភាព ហើយសម្បទានទីក្រុងគៀវ ចាត់ទុកថាមិនអាចទទួលយកបាន ៕