អាជ្ញាធរនៅក្នុងខេត្ត Punjab ដែលមានប្រជាជនច្រើនបំផុតរបស់ប្រទេសប៉ាគីស្ថាន បានបញ្ជាឱ្យបិទវិទ្យាស្ថានអប់រំទាំងអស់ នៅថ្ងៃសុក្រនេះ ខណដែលសិស្សានុសិស្ស ធ្វើបាតុកម្ម បន្ទាប់ពីមានរបាយការណ៍អំពីការរំលោភក្នុងបរិវេណមហាវិទ្យាល័យ កាន់តែរីករាលដាលតាមអ៊ីនធឺណិត ។
វិធានការបិទសាលារៀន និងសាកលវិទ្យាល័យនេះប៉ះពាល់ដល់កុមារ និងសិស្សពេញវ័យប្រមាណ ២៦ លាននាក់នៅក្នុងខេត្ត Punjab ភាគខាងកើត។
ការតវ៉ាបានផ្ទុះឡើង នៅក្នុងទីរួមខេត្ត Lahore បន្ទាប់ពីរបាយការណ៍ប្រព័ន្ធផ្សព្វផ្សាយសង្គមផ្សព្វផ្សាយថា និស្សិតស្រីម្នាក់ត្រូវគេចាប់រំលោភក្នុងបន្ទប់ក្រោមដីនៃសាកលវិទ្យាល័យ Punjab College for Women កាលពីចុងសប្តាហ៍ ។
ទន្ទឹមនោះ ប៉ូលីស មហាវិទ្យាល័យ និងរដ្ឋបាលខេត្ត បានបញ្ជាក់ថា មកដល់ពេលនេះ គ្មានជនណាម្នាក់ចេញមុខមកទទួលខុសត្រូវស្តីសម្រាប់ព័ត៌មានតាមអ៊ីនធឺណិតនេះនៅឡើយទេ ។
ចាប់តាំងពីពេលនោះមក ការតវ៉ា បានរីករាលដាលដល់សកលវិទ្យាល័យនៅទូទាំងខេត្ត Lahore ក៏ដូចជាទីក្រុង Rawalpindi ជិតរដ្ឋធានី Islamabad ដោយក្រុមនិស្សិត ចោទប្រកាន់អាជ្ញាធរថាមានការបិទបាំងពាក់ព័ន្ធករណីនេះ ។
កាលពីថ្ងៃសុក្រ មន្ត្រីប៉ូលិសជាន់ខ្ពស់ក្រុង Rawalpindi លោក Syed Khalid Mehmood Hamdani បាននិយាយថា មនុស្សចំនួន ៣៨០ នាក់ត្រូវចាប់ខ្លួនពីបទបំផ្លិចបំផ្លាញ និងការដុតបំផ្លាញការតវ៉ានៅក្នុងទីក្រុង ហើយការស៊ើបអង្កេតកំពុងបន្ត៕